16-20 აპრილს, საქართველოს სახალხო დამცველი უჩა ნანუაშვილი შეხვედრებს გამართავს დასავლეთ საქართველოში და არასამთავრობო ორგანიზაციების წარმომადგენლებს, ჟურნალისტებს და სტუდენტებს წარუდგენს ანგარიშს 2012 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ.
დღეს, 16 აპრილს, საქართველოს სახალხო დამცველი შეხვედრებს გამართავს ქუთაისში. კერძოდ, 12 საათზე, უჩა ნანუაშვილი შეხვდება აკაკი წერეთლის სახელმწიფო უნივერსიტეტის სტუდენტებს (შეხვედრა გაიმართება ქ.ქუთაისში, აკაკი წერეთლის სახელმწიფო უნივერსიტეტში, თამარ მეფის ქ.#59) 15 საათზე, საქართველოს სახალხო დამცველი შეხვდება ქუთაისის არასამთავრობო ორგანიზაციების წარმომადგენლებს. (შეხვედრა გაიმართება ქ.ქუთაისში სახალხო დამცველის რეგიონალურ ოფისში, რუსთაველის #18)
17 აპრილს, საქართველოს სახალხო დამცველი შეხვედრებს გამართავს სამეგრელოში. 11 საათზე უჩა ნანუაშვილი ფოცხო - ეწერში ჩასახლებულ იძულებით გადაადგილებულ პირებს ეწვევა და ადგილზე გაეცნობა მათ პრობლემებს. 17 საათზე ის შეხვდება ზუგდიდის არასამთავრობო ორგანიზაციების წარმომადგენლებს. (შეხვედრა გაიმართება დემოკრატიული ჩართულობის ცენტრში, მის: რუსთაველის ქ.#52)
19 აპრილს, საქართველოს სახალხო დამცველი შეხვედრებს გამართავს ბათუმში, კერძოდ, 11 საათზე, უჩა ნანუაშვილის შეხვდება არასამთავრობო სექტორის წარმომადგენლებს (შეხვედრა გაიმართება დემოკრატიული ჩართულობის ცენტრში, მის: ფარნავაზ მეფის ქ. #62/64), ხოლო 13:00 საათზე კი ბათუმის შოთა რუსთაველის სახელობის სახელმწიფო უნივერსიტეტის სტუდენტებს. (შეხვედრა გაიმართება ბათუმში, ნინოშვილის ქ.#35).
20 აპრილს, საქართველოს სახალხო დამცველი ოზურგეთს ეწვევა და არასამთავრობო ორგანიზაციების წარმომადგენლებს, ჟურნალისტებს და „ლიდერთა სკოლის" აღსაზრდელებს შეხვდება. შეხვედრები გაიმართება ახალგზარდა პედაგოგთა კავშირის ოფისში ( მის: გაბრიელ ეპისკოპოსის 3ა). „ლიდერთა სკოლის" მოსწავლეებს სახალხო დამცველი 11 საათზე შეხვდება და 12 საათზე კი არასამთავრობო ორგანიზაციებისა და მედიის წარმომადგენლებს.
