დასავლური, ნაციონალური და ჩრდილოური (პრორუსული) ორიენტაციის მქონე სამწევროვანი პოლიტიკური სისტემა პროგრესის მატარებელი იქნება ვიდრე რეგრესის, მიიჩნევს საქართველოს უშიშროების ექს-მინისტრი ვალერი ხაბურძანია.
ჟურნალ ტაბულაში გამოქვეყნებულ სტატიაში - "პარტიული სისტემის საკითხისათვის ანუ სერ-ბული პარალელები" ხაბურძანია წერს, რომ დასავლური, ნაციონალური და ჩრდილოური (პრო-რუსული) ორიენტაციის კლასიფიკაციის ფორმირება-აღიარება შექმნის კონკურენტულ სისტემას, რომელიც ამ შინაგანი კონკურენციის გამო უფრორე პროგრესის მატარებელია, ვიდრე რეგრესის.
"დღევანდელი ქართული საზოგადოების პოლიტიზებული ნაწილის უმრავლესობა თვლის, რომ დასავლეთის ვექტორს ალტერნატივა არა აქვს. იდეა და მიზანი კეთილშობილურია, მაგრამ რეა-ლობის ნაკლებობას განიცდის, თავისთავად კეთილშობილური მიზანი ჯერ კიდევ არ ნიშნავს მის-კენ სწრაფვის უალტერნატივობას, უფრო დიდი ქიმერა კომუნიზმის სახით, გამოვფხიზლდით და მივატოვეთ, ახლა კი წინა გვაქვს ქიმერა რეალური, მაგრამ ობიექტურად მიუწვდომელი და რა-ტომ? რეალური იმდენად, რამდენადაც არსებობს, მიუწვდომელი შემდეგი ფაქტორების გამო: გე-ოპოლიტიკური - ფაქტობრივად არ გვაქვს საერთო საზღვარი, ფსიქოლოგიური - მენტალობა და კონკრეტულ-ეკონომიკური - ევროკავშირს გაუჩნდა ეკონომიკური პრობლემები, დიდი ბრიტანე-თი გასვლით იმუქრება, საბერძნეთს გასვლით ემუქრებიან, განგრძობად კრიზისშია ესპანეთი და იტალია", - აღნიშნულია სტატიაში.
ხაბურძანია ქიმერა 2-ს უწოდევს ჩრდილოატლანტიკურ კავშირში საქართველოს შესაძლო გაწევრიანებას აფხაზეთისა და ცხინვალის რეგიონის პრობლემის გათვალისწინებით.
"მივიღეთ მაპზე უკეთესი და დაპირება, რომ აუცილებლად გავხდებით NATO-ს წევრი. რომ არა-ფერი ვთქვათ ამ გაწევრიანების ნატოურ წინაღობებზე, რას ვუშვებით მთავარ პრობლემას, აფხა-ზეთისა და ცხინვალის რეგიონის (სამხრეთ ოსეთის) სახით? თეორიულადაც, რომ დავუშვათ სეპა-რატული რეგიონების გარეშე NATO-ში მიღება, ეს ფაქტი საფუძველს დაუდებს არა მათ საქართვე-ლოს შემადგენლობაში დაბრუნებას, არამედ ჩვენს ნატოურ-სამეგობრო იძულებას ამ რეგიონების აღიარებისაკენ. როგორც ვხედავთ, სირთულეები აქვს ორივე ფლანგურ-ორიენტაციულ მიმდინა-რეობას, მაგრამ მათ აქვთ არსებობის უფლება და არათუ უფლება, მათი კონკურენტული ჩამოყა-ლიბება შექმნის სამწევროვან პროგრესის შემცველ კონკურენტულ სისტემას", - აცხადებს ხაბურძანია.
აქვე ხაბურძანია სერბეთის პარალლებზე დაყრდნობით აცხადებს, რომ ჩრდილოურ (პრორუსულ) ვექტორს, მიუხედავად 2008 წლის შედეგებისა, აქვს არსებობის უფლება.
"სერბული პარალელები ამტკიცებს, რომ ჩრდილოურ (პრორუსულ) ვექტორს, მიუხედავად 2008 წლის შედეგებისა, აქვს არსებობის უფლება. დასავლური იდეაც არსებობს, გარდაუვალია ეროვ-ნული ცენტრის ჩამოყალიბებაც და ამ სამი ვექტორის კონკურენცია, თანხვედრა შექმნის პოლიტ-სისტემის პროგრესირებად ვექტორს. ასეთია ჩვენი შემოთავაზება და ვითხოვთ მასზე მსჯელობის დაწყებას, რადგან, მიუხედავად ჩვენი თეორიული წიაღსვლებისა, პრაქტიკა მაინც ამ შედეგამდე, რთულად და შესაძლოა შეცდომებით მიგვიყვანს", - წერს ხაბურძანია.
