აჭარის სოფლის მეურნეობის მინისტრის მოადგილემ სულიკო ბერიძემ ხელოვნური განაყოფიერების შედეგად ქობულეთის მუნიციპალიტეტის სოფელ ჩაისუბანში ხბო მოინახულა. ხბო 22 კილოგრამს იწონის. ცხოველთა ხელოვნური განაყოფიერების პროგრამას აჭარის სოფლის მეურნეობის სამინისტრო, გაეროს განვითარების პროგრამის (UNDP)-ის ფარგლებში, ა(ა)იპ აგროსერვისცენტრთან ერთად ახორციელებს.
,,პირუტყვის ხელოვნური განაყოფიერება 27 ლარი ღირს, ა(ა)იპ აგროსერვისცენტრიში ამ ეტაპზე ახალ ტარიფზე მუშაობენ და დაახლოებით ერთ კვირაში განაყოფიერების ფასი შემცირდება, აპრილიდან კი ყველა მუნიციპალიტეტში ცხოველთა ხელოვნური განაყოფიერების სერვის-ცენტრები შეიქმნება'' - განაცხადა სულიკო ბერიძემ.
პროგრამის მიზანია ამერიკისა და ევროპის ქვეყნებიდან შემოტანილი სათესლე მასალით ადგილობრივი ჯიშების გაუმჯობესება და ცხოველთა პროდუქტიულობის ამაღლება.
