"საქართველოს გზა" საზოგადოებას, ჟურნალისტებს, პოლიტიკოსებს, საერთაშორისო ორგანიზაციებისა და დიპლომატიური მისსიების წარმომადგენლებს მიმართვას უგზავნის.
მიმართვაში ნათქვამია, რომ მიუხედავად იმისა, რომ პარტია "საქართველოს გზა" ხანგრძლივი დროის განვმალობაში ცდილობდა საზოგადოების ყურადღების კონცენტრირებას მედიის საკითხებისადმი, და ყველა დონეზე აღნიშნავდა, რომ საქართველოში სავალალო მდგომარეობაა მედიის თავისუფლების მხრივ, მდგომარეობა საგრძნობლად დამძიმდა და სავალალოდან საგანგაშო ნიშნულამდე მივიდა, რაც გამოიხატა Yჟურნალისტ ვახო კომახიძეზე ზეწოლაში ხელისუფლების მხრიდან და სანამ ჟურნალისტების სიცოცხლის ხელყოფამდე მივა საქმე, რაც ალბათ შემდგომი ეტაპია სახელისუფლებო სტრუქტურების დეგრადაციისა, მოვუწოდებთ საზოგადოებას, ჟურნალისტებს, პოლიტიკოსებს, საერთაშორისო ორგანიზაციებისა და დიპლომატიური მისსიების წარმომადგენლებს აქტიურად გამოხატონ საკუთარი პოზიცია და დაიცვან ჟურნალისტები მსგავსი ზეწოლისაგან.
"საქართველოს გზა" გმობს თავისუფალ სიტყვაზე ნებისმიერი სახის ზეწოლას და საერთაშორისო საზოგადოებას კიდევ ერთხელ მოუწოდებს მეტი ყურადღება მიაქციონ საქართველოში მედიის უმძიმეს მდგომარეობას
