"ინგლისური ჩაის სახლში" ფრანგული ჭურჭლის ბრენდის "Guy Degrenne" პრეზენტაცია გაიმართა. ბრენდის მაღაზია "Degrenne Paris" თბილისში, მარჯანიშვილის ქ. #17-ში სამი დღის წინ გაიხსნა. "Degrenne Paris"-ის დირექტორის, შალვა როგავას თქმით, ჭურჭლის ბრენდი საფრანგეთში 1958 წელს დაარსდა. ბრენდი აწარმოებს ფაიფურისა და ვერცხლის ნაწარმს, რომელიც ფრანგული კულტურის, ხასიათისა და ტრადიციის მატარებელია.
აღსანიშნავია ტრადიციული, ხელით დამუშავებული დანა-ჩანგლის წარმოებაც. პრეზენტაციაზე მიწვეულ სტუმრებს შორის იყვნენ საფრანგეთის ელჩი, საფრანგეთის ბიზნესსაბჭოს წარმომადგენლები, "Guy Degrenne"-ს გენერალური მდივანი ფილიპ ლასი.
ბრენდის თბილისში განთავსებულ მაღაზიაში პროდუქციის ფასი 10 ლარიდან იწყება და 6 ათას ლარამდე მერყეობს. ქსელის გაფართოების მიზნით მაღაზიების გახსნა ბაქოსა და ერევანშიც იგეგმება.
