ჩემს განცხადებებსა და გამოსვლებს ბევრი აღარ კითხულობს. ამის შესახებ საქართველოს პრემიერ-მინისტრმა ბიძინა ივანიშვილმა პარლამენტში უმრავლესობასთან შეხვედრის დაწყებამდე განაცხადა.
პრემიერ-მინისტრი დეპუტატების შეუთანხმებელი განცხადებებისა და განსხვავებული პოზიციების გამო უკმაყოფილებას გამოთქვამს.
მისივე თქმით, არ არის კოორდინაცია მთავარობასა და პარლამენტს შორის, რაც აუცილებელია.
"კოორდინაცია არ არის და ძალიან ბევრი განცხადება შეუთანხმებლად კეთდება. მგონი ჩემს განცხადებებსა და გამოსვლებს ბევრი აღარ კითხულობს. განსხვავებულ პოზიციებს იჭერენ ხშირად დეპუტატები", - განაცხადა ივანიშვილმა და დასძინა, რომ ეს პროცესი "პრინციპში ნორმალურია".
თუმცა ივანიშვილმა იქვე განმარტა, რომ "ახლა უფრო დისციპლინებულები უნდა ვიყოთ და კოორდინაცია უნდა არსებობდეს".
შეგახსენებთ, რომ პრემიერისა და უმრავლესობის შეხვედრა ქუთაისში პარლამენტის შენობაში მიმდინარეობს.
