საპარლამენტო ოპოზიციის წარმომადგენელი პაატა დავითაია პარლამენტს რუსეთისთვის "მისტრალის~ მიყიდვის ფაქტთან დაკავშირებით კომენტარს აკეთებს და მთავარ პროკურატურას სეპარატისტების ლიდერების მიმართ სისხლის სამართლის საქმის აღძვრის საკითხის ბოლომდე მიყვანას სთხოვს. ეს მოთხოვნა დავითაიამ დღეს პარლამენტის სესიაზე გააკეთა.
როგორც იგი აცხადებს, რუსეთისთვის სამხედრო ხომალდის მიყიდვის ფაქტი აღმაშფოთებელია და მას სათანდო რეგირება უნდა მოჰყვეს. სწორედ ამიტომ პარლამენტს აღნიშნულ ფაქტზე რეაგირებისკენ მოუწოდებს და იმედოვნებს, რეაგირება ასევე მოჰყვება ნატოს წევრი ქვეყნების მხრიდანაც.
"რეალურად ნატოს წევრმა ქვეყანამ რუსეთს მიჰყიდა ისეთი იარაღი, რომელიც შეიძლება გამოყენებული იყო იმ ქვეყნის წინააღმდეგ, რომელიც მიისწრაფვის ნატოსკენ", _ აცხადებს დავითაია.
დავითაია პროკურატურასაც მოუწოდებს, "სეპარატისტების ლიდერების წინაღმდეგ სისხლის სამართლის საქმის აღძვრის საკითხი ბოლოს და ბოლოს ბოლომდე მიიყვანოს~. წინააღმდეგ შემთხვევაში, დავითა შიშობს, რომ საქართველოს ძალიან ბევრი პრობლემა შეექმნება და "მერე ამაზე საუბარი უკვე ძალიან დაგვიანებული იქნება~.