"ქვეყანაში არ უნდა იყოს შერჩევითი სამართალი და პოლიტიკური ანგარიშსწორება ოპონენტების მიმართ", - განაცხადა ჟურნალისტებთან ევროკავშირის უმაღლესმა კომისარმა საგარეო და უსაფრთხოების პოლიტიკის საკითხებში, ქეთრინ ეშტონმა და აღნიშნა, რომ ჩადენილი დანაშულის გამოსაძიებლად სასამართლო უნდა იყოს მიუკერძოებელი და გამჭვირვალე.
"მოხარული ვარ, რომ ვიმყოფები საქართველოში ასე მალე ისტორიული საპარლამენტო არჩევნების შემდგომ. საქართველოს დამოუკიდებლობის აღდგენის შემდეგ ეს იყო მთავრობის დემოკრატიული გზით გადაბარების პირველი შემთხვევა. ჩამოვედი, რომ მიმელოცა პრეზიდენტისა და პრემიერ-მინისტრისთვის ეს შესანიშნავი მიღწევა. მოვუწოდებ ორივეს, განაგრძონ თავიანთი ინსტიტუტების გამოყენება საქართველოს კარგი მმართველობის კონსტრუქციული ხელშეწყობის მიზნით", - განაცხადა ჟურნალიტებთან ეშტონმა და აღნიშნა, რომ ევროკავშირი ერთგული რჩება საქართველოს ტერიტორიული მთლიანობისა და სუვერენიტეტისადმი.
შეგახსენებთ, რომ საქართველოში ვიზიტის ფარგლებში ქეთრინ ეშტონი პრემიერ-მინისტრსა პრეზიდენტს შეხვდა. ორივე შეხვედრას საქართველოს საგარეო საქმეთა მინისტრი მაია ფანჯიკიძე ესწრებოდა.
