პარლამენტის მორიგი სხდომა 25 ოქტომბერს გაიმართება. პლენარული სხდომა 12:00 საათზეა დაგეგმილი. სავარაუდოდ, ხუთშაბათსვე მოხდება მთავრობის ახალი შემადგენლობის დამტკიცებაც.
შეგახსენებთ, რომ პირველი ოქტომბრის საპარლამენტო არჩევნების შემდეგ საკანონმდებლო ორგანოს პირველი სხდომა დღეს ჩატარდა. სხდომას, რომელსაც დიპლომატიური უწყების წარმომადგენლები, საქართველოს კათოლიკოს პატრიარქი ილია მეორე და სტუმრის რანგში მყოფი პრემიერობის კანდიდატი ბიძინა ივანიშვილი ესწრებოდა, საქართველოს პრეზიდენტმა მიხეილ სააკაშვილმა გახსნა. Dდღევანდელ სხდომაზე პარლამენტის წევრებმა აირჩიეს ხმის დამთვლელი კომისია, პარლამენტის თავმჯდომარე და ვიცე-სპიკერები.
