პარლამენტში კომიტეტების შემადგენლობების განსაზღვრისა და ფრაქციათა პროპორციული წარმომადგენლობების კვოტების შესახებ დადგენილების პროექტი დეპუტატებმა 122 ხმით 1-ის წინააღმდეგ დაამტკიცეს.
დადგენილების პროექტის თანახმად, აგრარულ საკითხთა კომიტეტში 14 წევრი იქნება, ადამიანის უფლებათა დაცვისა და სამოქალაქო ინტეგრაციის კომიტეტში - 14; განათლების, მეცნიერებისა და კულტურის კომიტეტში - 14; გარემოს დაცვისა და ბუნებრივი რესურსების კომიტეტში - 12; დარგობრივი ეკონომიკისა და ეკონომიკური პოლიტიკის კომიტეტში - 14; დიასპორისა და კავკასიის საკითხთა კომიტეტში - 12; ევროპასთან ინტეგრაციის კომიტეტში - 12; თავდაცვისა და უშიშროების კომიტეტში - 14; იურიდიულ საკითხთა კომიტეტში - 14; რეგიონული პოლიტიკის, თვითმმართველობის და მაღალმთიანი რეგიონების კომიტეტში - 14; საგარეო ურთიერთობათა კომიტეტში - 12; საპროცედურო საკითხთა და წესების კომიტეტში - 12; საფინანსო-საბიუჯეტო კომიტეტში - 12; სპორტისა და ახალგაზრდულ საქმეთა კომიტეტში - 14; ხოლო ჯანმრთელობის დაცვისა და სოციალურ საკითხთა კომიტეტში - 14 წევრი.
პროპორციები ფრაქციების მიხედვით ასე გადანაწილდა - 14-წევრიან კომიტეტებში - ფრაქცია "ქართული ოცნება" - 6 წევრი; ფრაქცია "ქართული ოცნება - თავისუფალი დემოკრატები" - 1 წევრი; ფრაქცია "ქართული ოცნება - რესპუბლიკელები" - 1 წევრი; ფრაქცია "ერთიანი ნაციონალური მოძრაობა" - 4 წევრი; "ნაციონალური მოძრაობა - მაჟორიტარები" - 1 წევრი; "ნაციონალური მოძრაობა - რეგიონები" - 1 წევრი.
12-წევრიან კომიტეტებში კი ასე გადანაწილდება - ფრაქცია "ქართული ოცნება" - 5 წევრი; ფრაქცია "ქართული ოცნება - თავისუფალი დემოკრატები" - 1 წევრი; ფრაქცია "ქართული ოცნება - რესპუბლიკელები" - 1 წევრი; ფრაქცია "ერთიანი ნაციონალური მოძრაობა" - 3 წევრი; "ნაციონალური მოძრაობა - მაჟორიტარები" - 1 წევრი; "ნაციონალური მოძრაობა - რეგიონები" - 1 წევრი.