საპარლამენტო უმცირესობა ახალ მინისტრთა კაბინეტს მხარს არ დაუჭერს, - ამის შესახებ ჟურნალისტებს "ნაციონალური მოძრაობის" ერთ-ერთმა ლიდერმა გოკა გაბაშვილმა განუცხადა.
მისი თქმით, მთავრობას უმრავლესობა დაამტკიცებს და სწორედ ის აიღებს პასუხისმგებლობას მის საქმიანობაზე.
"ჩვენ ასეთი პრინციპი გვაქვს - იმას, რაც არის ქვეყნისთვის კარგი, მხარი დავუჭიროთ და რაც ჩვენი აზრით დააზარალებს ამ ქვეყნის ინტერესებს, პრიორიტეტებს, ტერიტორიულ მთლიანობას, დემოკრატიას - მას წინააღმდეგობა გავუწიოთ. აქედან გამომდინარე, ახალ მთავრობასა და უმრავლესობაზე იქნება დამოკიდებული, რამდენად კრიტიკულები ვიქნებით ჩვენ", - განაცხადა გაბაშვილმა.