მომხმარებელთა დარწმუნებულობის ინდექსის კვლევის ფარგლებში რესპოდენტებს სთხოვდნენ გაეკეთებინათ პროგნოზი 2013 წლისათვის მათი პირადი ეკონომიკური მდგომარეობისა და მომდევნო წელს ქვეყნის ეკონომიკური მდგომარეობის შესახებ.
ინდექსები არის სამომხმარებლო აქტიურობის ინდიკატორი მომდევნო წლისათვის და მათით კეთდება სამომხმარებლო მოთხოვნილების ცვლილებების პროგნოზი.

ინდექსები ითვლება რესპოდენტების პასუხების 10 ბალიანი სისტემით, სადაც 1 ნიშნავს შფასებას "ნამდვილად არ შეიცვლება" ხოლო 10 "ნამდვილად შეიცვლება". შეფასების დროს ციფრები 100 ბალიან სისტემაზე ანგარიშდება.

ქვეყნის მასშტაბით გამოკითხულია 2000 შემთხვევით შერჩეული რესპოდენტი. ტრადიციულად კვლევა ყოველწლიურად სექტემბერ-ოქტომბერში ტარდება.

საერთო ევროპული სტანდარტებით 0 დან 30 ქულამდე მოწმობს დაბალ დარწმუნებულობაზე, 31 დან 50 მდე - საშუალო, ხოლო 50 დან ზემოთ ხვალინდელ დღეში ძლიერ დარწმუნებულობაში.

მომხმარებელთა დარწმუნებულობის ინდექსი საქართველოში აგრძელებს დადებითი დინამიკის წარმოჩენას. ქართველი მომხმარებლები 2013 წლისათთვის ქვეყნის ეკონომიკის განვითარებაში უფრო შესამჩნევ, უკეთესობისკენ მიმართულ ცვლილებებს ელიან ვიდრე თავისი პირადი მატერიალური მდგომარეობისა.

სამომხმარებლო განწყობის ინდექსი წინა შედეგთან შედარებით 11 % ით გაიზარდა და 76,2 ქულას შეადგენს. ეს იმ დროს როდესაც ქვეყნის მაცხოვრებლებმა თავისი პირადი კეთილდღობის განვითარების შესაძლებლობის შეფასება მხოლოდ 3, 8 % ით გაზარდეს, რამაც 72,9 ქულა შეადგინა. ამან მოახდინა დადებითი დინამიკა.

აღსანიშნავია, რომ სამომხმარებლო პროგნოზმა როგორც ქვეყნის ეკონომიკის ისე "პირადი ეკონომიკის" მიმართ შეფასების შკალის მიხედვით პირველად მიაღწია მაღალ დონეს ასევე მაქსიმუმს მთელი კვლევის პერიოდში დაწყებული 2009 წლიდან.

მამაკაცები - ისევე როგორც წინა წელს, მამაკაცები მთლიანობაში, თავის მომავალ კეთილდღეობას ქალებზე რამდენადმე მაღლა აფასებდნენ (საშუალოდ 4,5 ქულა). მამაკაცები საქართველოში უფრო ოპტიმისტურად უყურებენ თავიანთ მომავალ კეთილდღეობას თუმცა საქართველოს ეკონომიკური მდგომარეობის გაუმჯობესების შესახებ გაკეთებული პროგნოზი 2013 წლისათვის საქართველოს ქალებსა და მამაკაცებში თითქმის არ განსხვავდება. ორივე ჯგუფი ერთნაირად ოპტიმისტურად უყურებს ქვეყნის განვითარების პერსპექტივას მომავალი 12 თვის განმავლობაში.

დარწმუნებულობა იმაში, რომ ქვეყანაში მომდევნო 6 თვის განამვლობაში მდგომარეობა სულ უფრო და უფრო უკეთესი იქნება რესპოდენტების ასაკთან ერთად მატულობს. საკუთარი ეკონომიკური განვითარების მაჩვენებელი კი ასაკთან ერთად იკლებს. თუმცა საქართველოს ახალგაზრდობა - 18-29 წლის ასაკამდე - დარწმუნებულია საკუთარ ძალებში და იმაშიც, რომ ქვეყნის ეკონომიკრ ცხოვრებაში სრულფასოვან მონაწილეობას შეძლებენ.

აღსანიშნავია, რომ თბილისის მცხოვრებლები, ისევე როგორც გასულ წელს, ნაკლებად ოპტიმისტურ პროგნოზს აკეთებენ, ვიდრე დასავლეთ და აღმოსავლეთ საქართველოს მცხოვრებლები. სამომხმარებლო მოთხოვნილებების ინდექსი ეკონომიკის განვითარების საკითხებში 8 ქულით ნაკლებია, ვიდრე ხვალინდელი დღის იმედი დასავლეთ და აღმოსავლეთ საქართველოს მცხოვრებლებისა. თუმცა, გასულ წელთან შედარებით ეს მაჩვენებელი ორჯერ შემცირებულია. გასულ წელს განსხვავება 16 ქულას უდრიდა.

საქართველოს სამომხმარებლო მოთხოვნილებების ინდექსი ყველაზე მაღალია გამოკვლევაში ჩართულ ევროპულ ქვეყნებსა და დსთ-ს ქვეყნების მაჩვენებელს შორის. საქართველო არის უცილობელი ლიდერი მცხოვრებლების ოპტიმისტური მოლოდინებისა ნაციონალური ეკონომიკის განვითარებასთან დაკავშირებით, ხოლო პირადი ფინანსური მდგომარეობის გაუმჯობესების საკითხში ეს ქვეყანა პირველ ადგილს აზერბაიჯანთან ინაწილებს.

აღსანიშნავია, რომ ყველაზე დაბალი მაჩვენებელი თავისი ეკონომიკების განვითარებისათვის ჩეხეთის - 16,9 ქულა და ესპანეთის - 22,9 ქულა მცხოვრებლებს აქვთ, რაც მოწმობს, რომ ამ ქვეყნების მცხოვრებლები დარწმუნებულები არიან, რომ მომავალ წელს იქნება ეკონომიკური კრიზისი ქვეყანაში თუმცა მათ პირადად ის ნაკლებად შეეხება.