აჭარის მთავრობის თავმჯდომარე, სავარაუდოდ, ქართუ ბანკის ბათუმის ფილიალის ხელმძღვანელი აჩიკო ხაბაძეს გახდება.
აჭარის მთავრობის თავმჯდომარის კანდიდატურა "ქართული ოცნების " ლიდერს ამ დრომდე არ დაუსახელებია. კანონმდებლობის მიხედვით ახლადარჩეულ უმრალეს საბჭოს აჭარის მთავრობის თავმჯდომარეს საქართველოს პრეზიდენტი წარუდგენს დამსამტკიცებლად.
"შექმნილი რეალობიდან გამომდინარე, მთავრობის თავმჯდომარესთან დაკავშირებით გადაწყვეტილებას კოალიცია "ქართულოი ოცნების" ლიდერი ბიძინა ივანიშვილი მიიღებს. სხვა მხრივ კანონით გათვალისწინებული პროცედურები დაცული იქნება", - განუცხადეს "ჯი-ეიჩ-ენს" აჭარის უმაღლეს საბჭოში.
უნდა აღინიშნოს, რომ ოცნების სხვა კანდიდატებისგან განსხვავებით საკუთარი კანდიდატურა ჰყავს ბათუმის მაჟორიტარ დეპუტატს მურმა დუმბაძეს. ჯემალ ფუტკარაძის კანდიდატურას, რომელმაც შუახევში მაჟორიტარული არჩევნები წააგო სწორედ დუმბაძე ლობირებს.
სხვადასხვა სოციალურ ქსელებში გავცელებული ინფორმაციის მიხედვით, აჭარის მთავრობის თავმჯდომარეობა აზორ ქოქოლაძესაც სურს, რომელმაც თავის დროზე "ელიტ-ელექტრონიკსი", მოგვანებით კი კომპანია "ტექნობუმი" დაარსა.
ექსპერტები მიიჩნევენ, რომ ქოქოლაძის დანიშვნა აღნიშნულ თანამდებობაზე პოლიტიკურად და მორალურად გაუმართლებელია, რადგან მან საკუთარი თანამდებობა შესაძლოა გაკრკვეულ ჯგუფებზე და კომპანიებზე ზემოქმედებითვის გამოყენოს, რაც "ქართულ ოცნებას" მნიშვნელოვნად შეურყევს ავტორიტეტს. იგივე მოტივები სახელდება ედვარდ სუმრმანიძესთან დაკავშირებით, რომელმაც ვერც მოქალაქეთა კავშირში ყოფნის დროს და ვერ ვარდების რევოლუციის გარიჟრაჟზე, ბათუმის მერობისასა, აჭარის მოსახლეობას პოზიტიურად საკუთარი თავი ვერ დაამახსოვრა. რაც შეეხება ქიბარ ხალვაშს მისი კანდიდატურის განხილვა დღის წესრიგში რეალურად ვერ დადგებოდა, რადგან მას ამ ეტაპზე მთელი რიგი სამართლებლივი საკითხი აქვს მოსაგვარებელი.
საბოლოოდ რა გადაწყვეტილებას მიიღიებს ბიძინა ივანიშვილი ამ დრომდე უცნობია. თუმცა ცხადია, რომ საქართველოს ერთ-ერთი ყველაზე მნიშვნელოვანი რეგიონის ჩაბარება ივანიშვილს მისთვის სანდო ადამიანისთვის მოუწევს. ასეთად კი სწორედ აჩიკო ხაბაძე სახელდება.
