17 თებერვალს 19:00 საათზე „თეგეტა მოტორსის" სათაო ოფისის სერვის ცენტრში, მომხმარებლისათვის ახლადგახსნილ კაფეში, გაიმართა კომპანიის მიერ სავაჭრო პარტნიორების დაჯილდოვებისადმი მიძღვნილი საზეიმო ღონისძიება.
ღონისძიებაზე დაჯილდოვდნენ „თეგეტა მოტორსის" სავაჭრო პარტნიორები შემდეგ ნომინაციებში: 2011 წლის საუკეთესო დილერი, ყველაზე სტაბილური დილერი, „თეგეტა მოტორსის" ყველაზე ლოიალური დილერი. ასევე, გამოვლინდნენ გამარჯვებულები სხვადასხვა კატეგორიების მიხედვით: საბურავების საუკეთესო გაყიდვები, საავტომობილო ზეთების საუკეთესო გაყიდვები, აკუმულატორების საუკეთესო გაყიდვები და სხვა.
ღონისძიების ფარგლებში, 2011 წლის შედეგების გათვალისწინებით, 60-ზე მეტ მოწინავე დილერს გადაეცა სერტიფიკატები, ფულადი პრემიები და სხვადასხვა საჩუქრები „თეგეტა მოტორსისგან".
აღსანიშნავია, რომ ეს ღონისძიება იმართება ყოველწლიურად და მიმართულია „თეგეტა მოტორსის" საცალო სავაჭრო ქსელის შემდგომი განვითარებისკენ. დღესდღეობით კომპანიას 500-ზე მეტი პარტნიორი ჰყავს ქვეყნის მასშტაბით. „თეგეტა მოტორსი" აგრძელებს მუდმივ ზრუნვას სავაჭრო პარტნიორების ლოიალობის შემდგომი ზრდისთვის. 2012 წლიდან იგი დილერებს სთავაზობს რამდენიმე მნიშვნელოვან სიახლეს, რომელთა შორის აღსანიშნავია მრავალფეროვანი ტრენინგები კომპანიის პროდუქტებში, მერჩენდაიზინგის სტანდარტებში და გაყიდვების უნარებში, ასევე მრავალმხრივი სარეკლამო მხარდაჭერის ღონისძიებები და სხვა.
„თეგეტა მოტორსი" მომავალშიც გააგრძელებს სავაჭრო პარტნიორებთან აქტიურ თანამშრომლობას, რათა მათ შეძლონ ბიზნესის შემდგომი გაფართოვება და მეტი ადამიანის დასაქმება, რაც ძალიან მნიშვნელოვანია ქვეყნის ეკონომიკური ზრდის მხარდაჭერისთვის.
დაინტერესებულ პარტნიორებს „თეგეტა მოტორსი" თანამედროვე არქიტექტურას, მშენებლობის მაღალ ხარისხსა და რაც მთავარია, მსოფლიოში აღიარებული ბრენდების ექსკლუზიურ წარმომადგენლობას სთავაზობს.
