აჭარის ონკოლოგიის ცენტრს მყიდველი არ გამოუჩნდა. დღეს გამართულ ელექტრონულ აუქციონში მონაწილეობა არავის მიუღია. შესაბამისად, სამედიცინო დაწესებულება სახელმწიფოს საკუთრებაში რჩება.
აჭარის ავტონომიური რესპუბლიკის ონკოლოგიის ცენტრის საწყისი ღირებულება 1 მლნ. 500 ათასი ლარად იყო განსაზღვრული, ხოლო საპრივატიზაციო პირობების თანახმად, ინვესტორი ვალდებული იყო, არა უგვიანეს 2013 წლის 20 დეკემბრამდე შპს "აჭარის ავტონომიური რესპუბლიკის ონკოლოგიის ცენტრის" რეაბილიტაცია მოეხდინა და იმავდროულად აუქციონის დასრულებიდან 2012 წლის 20 დეკემბრამდე წინა წლების დარჩენილი გადასახდელი დივიდენდი 350 ათას 734 ლარი და 2012 წლის 1-ლი იანვრის მდგომარეობით წარმოშობილი დივიდენდი გადაეხადა.