ბათუმში 33 სართულიანი სასტუმრო აშენდება. აჭარის ფინანსთა და ეკონომიკის სამინისტროსა და კომპანია "Tam Geo"-ს შორის ტურისტული ინფრასტრუქტურის განვითარების მიზნით ერთ-ერთი მნიშვნელოვანი ხელშეკრულება უკვე გაფორმდა. ხელშეკრულების ფარგლებში ბათუმში, რუსთაველის ქუჩა №30-ში მდებარე 3670 კვმ არასასოფლო-სამეურნეო დანიშნულების მიწის ნაკვეთზე ინვესტორი 33 სართულიან, არანაკლებ 141 მეტრი სიმაღლის, 120 ნომრის მქონე 4 (ოთხი) ვარსკვლავიან სასტუმრო კომპლექს ააშენებს. ხელშეკრულების მიხედვით, სასტუმროს მშენებლობა 2015 წლის 30 ივნისამდე უნდა დასრულდეს.ხელშეკრულების მიხედვითვე, სასტუმრო - კომპლექსში გამოყოფს 3080 კვმ ფართს ავტო -სადგომისათვის და პროექტში დასაქმებულთა 90% იქნება საქართველოს მოქალაქე. ინვესტორი აღნიშნულ პროექტშიარანაკლებ 20 მილიონი აშშ დოლარი ინვესტიციას განახორციელებს.
მასალის გამოყენების პირობები