სომალელმა მეკობრეებმა 2011 წელს მსოფლიო ეკონომიკას 6,6-6,9 მლრდ. დოლარის ზარალი მიაყენეს. ამის შესახებ საუბარია ამერიკული ფონდის, One Earth Futur-ის პროექტის Oceans Beyond Piracy-ის ანგარიშში.
ანგარიშის მიხედვით, ზარალის 80 % გემთმფლობელ კომპანიებს მიადგა, ხოლო 20 % სხვადასხვა ქვეყნის მთავრობებს.
გემთმფლობელებმა მხოლოდ საწვავის დამატებით მოცულობაზე 2,7 მლრდ. დოლარი დახარჯეს. მთელი თანხის 99% დახარჯულია დაცვის ღონისძიებებზე, კერძოდ, 1,3 მლრდ - სამხედრო ოპერაციაზე, 1,1 მლრდ - შეიარაღებულ დაცვაზე, 650 მლნ. დოლარი კი - დაზღვევასა და სხვა ანალოგიურ ხარჯებზე.
საშუალო გამოსასყიდი, რომელსაც მეკობრეები ტყვეობაში მყოფთაგან ითხოვდნენ, 1 წლის განმავლობაში მეთხედით გაიზარდა და 4-5 მლრდ. შეადგინა. უშუალოდ გამოსასყიდებისთვის დახარჯული თანხის მოცულობა 160 მლნ. დოლარს შეადგენს, რაც მთლიანი ზარალის 2 %-ია.