ხვალ, 9 თებერვალს, 11:00 საათზე სასტუმრო "ჰოლიდეი ინში" ევროკავშირის "ტურიზმის სექტორის მხარდაჭერის პროექტის" პრეზენტაცია გაიმართება. ტურიზმის ეროვნულ ადმინისტრაციში იწყება ევროკავშირის საჯარო სამსახურების დაძმობილების (Twinning) პროექტი, რომელიც მიზნად ისახავს რეგიონალურ დონეზე ტურიზმის განვითარებას, ტურიზმის საკანონმდებლო ბაზის გაუმჯობესებას და ამ სფეროში ადამიანური რესურსების განვითარებას. პროექტის განმახორციელებელი ავსტრიის მხრიდან: ევროპასთან ინტეგრაციისა და ეკონომიკური განვითარების სააგენტო, ხოლო პროექტის ბიუჯეტი 900 ათას ევროს შეადგენს. ღონისძიებას ტურიზმის ეროვნული ადმინისტრაციის ხელმძღვანელი მაია სიდამონიძე გახსნის. ხოლო ავსტრიის მხრიდან ღონისძიებას პროექტის განმახორციელებლი გუნდი სრული შემადგენლობით დაესწრება.
ღონისძიებას დაესწრებიან ასევე ტურიზმის ინდუსტრიაში ჩართული კერძო სექტორისა და საერთაშორისო ორგანიზაციების წარმომადგენლები. მათ ექნებათ შესაძლებლობა უშუალოდ ჩაერთონ დისკუსიაში რაც გათვალისწინებული იქნება პროექტის მსვლელობისას და მისი ამოცანების გადაწყვეტისას. პრენტაციზე განხილული იქნება პროექტის ძირითადი მიმართულებები: ტურისტული ადგილის მართვის ორგანიზაციის ფუნქიონირებადი მოდელის შექმნა, რაც გულისხმობს ადგილობრივ/რეგიონალ დონეზე ტურიზმის განვითარების ხელშემწყობი სტრუქტურის ჩამოყალიბებას, რაც საერთაშორისო გამოცდილებაზე დაყრდნობით უზრუნველყოფს კერძო სექტორის როლის გაძლიერებას და ჩართულობის გაზრდას; სსევე განიხილება საკანონმდებლო სისტემის გაუმჯობესება; პროექტის მომზადდება რეკომენდაციები ტურიზმის საკანონმდებლო ბაზის სრულყოფასთან დაკავშირებით და ტურიზმის სფეროში დასაქმებულთა კვალიფიკაციის ამაღლება, რაც გულისხმობს ტრენინგების ორგანიზებას სახელმწიფო და კერძო სექტორის წარმომადგენლებისათვის.