„საქართველოს ბანკი" ფულადი გზავნილების ახალ სისტემას „ზოლოტაია კორონას" ნერგავს. „ზოლოტაია კორონას" ფულადი გზავნილების სისტემის საშუალებით, მომხმარებელს შეუძლია საბანკო ანგარიშის გაუხსნელად, ფიზიკური პირებისთვის ფულის გაგზავნა და მიღება, შემდეგ ქვეყნებში: აზერბაიჯანი, სომხეთი, ბელორუსია, საქართველო, ყაზახეთი, ყირგიზეთი, მოლდოვა, ტაჯიკეთი, რუსეთი, უზბეკეთი და უკრაინა. საქართველოს ბანკში „ზოლოტაია კორონას" გზავნილის განხორციელება ხდება ონლაინ რეჟიმში, რაც მომხმარებელს საშუალებას აძლევს, გაგზავნიდან, სულ რაღაც 5 წუთში გაანაღდოს გზავნილი.
„ზოლოტაია კორონას" ფულადი გზავნილით თანხის გაგზავნისას, საკმარისია მხოლოდ ქვეყნის მითითება, თანხის მიმღები პირი კი განაღდებას, არჩეული ქვეყნის ნებისმიერ პუნქტში შეძლებს. „საქართველოს ბანკში", „ზოლოტაია კორონას" გზავნილის როგორც გაგზავნა ისე მიღება შესაძლებელია აშშ დოლარსა და ევროში.
„საქართველოს ბანკი" მომხმარებელს სთავაზობს ასევე სწრაფი ფულადი გზავნილების სისტემების დიდ არჩევანს. ფულის გადარიცხვა/მიღება შესაძლებელია: Western Union, "Ria ფულადი გზავნილები", "ელვა", MoneyGram, Contact, Anelik, InterExpress, Unistream და "Быстрая Почта" გადარიცხვის სიტემებით. მომხმარებელს ასევე შეუძლია გზავნილების მარტივად ჩარიცხვა საკუთარ პლასტიკურ ბარათზე ან მიმდინარე ანგარიშზე, როგორც სატელოფონო ცენტრის, ისე ბანკომატის საშუალებით. საკმარისია მომხმარებელი ფლობდეს საქართველოს ბანკის ნებისმიერი ტიპის პლასტიკურ ბარათს ან მიმდინარე ანგარიშს ბანკში.
