2011 წელს აჭარაში რეგისტრირებულმა ორგანიზაციების რაოდენობამ 24 ათას 115 სუბიექტი შეადგინა, საიდანაც ბათუმში რეგისტრირებულია 14484 სუბიექტი. აჭარის ფინანსთა და ეკონომიკის სამინისტროს ინფორმაციით, 2011 წლის 1 დეკემბრის მდგომარეობით, ქობულეთში რეგისტრირებულია 3603 სუბიექტი, ხელვაჩაურში - 3928 სუბიექტი, ქედაში - 607 სუბიექტი, შუახევში - 540 სუბიექტი, ხოლო ხულოში - 953 სუბიექტი. აჭარის ფინანსთა და ეკონომიკის სამინისტროში განმარტავენ, აჭარის რეგიონში რეგისტრირებული ორგანიზაციების რაოდენობა საქმიანობის სახეების მიხედვით ლიდერ პოზიციაზე ვაჭრობისა და ავტომობილების, საყოფაცხოვრებო ნაწარმისა და პირადი მოხმარების საგნების რემონტია, სადაც 2011 წლის 1 დეკემბრის მდგომარეობით რეგისტრირებულია 19 ათას 515 სუბიექტი.
კომუნალური, სოციალური და პერსონალური მომსახურების გაწევის სფეროში რეგისტრირებულია 716 სუბიექტი, დამამუშავებელ მრეწველობაში - 701 სუბიექტი, ოპერაციების უძრავი ქონებით, იჯარა და მომხმარებლისათვის მომსახურების გაწევის სფეროში 540 სუბიექტი, მშენებლობის სექტორში - 521 სუბიექტი. სამინისტროს ინფორმაციით, საანგარიშო პერიოდში ყველაზე ნაკლები რაოდენობით ორგანიზაციები რეგისტრირებულია თევზჭერისა და მეთევზეობის სექტორში, სადაც 2011 წლის 1-ელი დეკემბრის მდგომარეობით რეგისტრირებულია მხოლოდ 13 სუბიექტი.
