სუპერმარკეტი „სმარტი" ექსკლუზიურ შეთავაზებებს განაგრძობს და მსოფლიოში წამყვანი ჩაის მწარმოებელი ბრენდის „ბრედლის" 22 სახეობის ჩაის რეალიზაციას იწყებს. პრემიუმ ხარისხის ჩაი, რომელიც ჯანმრთელობისთვის სასარგებლოა და ფართო ასორტიმენტით ნებისმიერი მომხმარებლის მოთხოვნებს აკმაყოფილებს, „სმარტის" მთელს ქსელში გაიყიდება.
„მოხარულნი ვართ, რომ მომხმარებელს მუდმივად ვთავაზობთ ექსკლუზიურ პროდუქტებს. „ბრედლის" ჩაის „სმარტში" გამოჩენა განსაკუთრებულად ესიამოვნებათ ჩაის ნამდვილ მოყვარულებს. „ბრედლის" სხვადასხვა სახეობის ჩაი სასარგებლოა ჯანმრთელობისათვის და ცივ ზამთრის სეზონზე გაციებასა და სურდოსთან ბრძოლის ყველაზე სასიამოვნო საშუალებაა", - აცხადებენ „სმარტში".
„ბრედლის" ჰოლანდიური ბრენდია და ჩაის წარმოების 25 წლიანი გამოცდილება აქვს. „ბრედლის" ჩაის წარმოებას ულტრათანამედროვე ტექნოლოგიით ახდენს, რაც პირვანდელი მცენარის ყველა სასარგებლო ნივთიერებებისა და ვიტამინების მაქსიმალური შენარჩუნების გარანტიაა. „ბრედლის" ასკილის, ბაღის გვირილას, ლიმნის, პიტნის, ველური ხილისა და სხვა სასარგებლო მცენარეების ჩაი განსაკუთრებულად სასარგებლოა ჯანმრთელობისათვის. „ბრედლის" ჩაი „სმარტში" დიდი და მცირე შეფუთვით იყიდება და მისი ფასი 2,50 ლარიდან იწყება.
