ბრიტანული კომპანია Cobalt Light Systems-მა სპეციალური სკანერი შექმნა, რომელიც ასაფეთქებელ საშუალებებს ნებისმიერ თხევად მასაში აღმოაჩენს. ხელსაწყო მგზავრებს საშუალებას მისცემს, რომ თვითმფრინავის ბორტზე ნებისმიერი თხევადი საშუალება აიტანონ. შეზღუდვა იქნება მხოლოდ ერთი - ჭურჭელი, რომელშიც სითხე იქნება მოთავსებული, 3 ლიტრზე მეტს არ უნდა იტევდეს. ევროკომისიამ აღნიშნული ხელსაწყოს ექსპლუატაციაში გაშვებას "მწვანე შუქი" უკვე აუნთო.
სკანერი ევროპის აეროპორტებში 2013 წლის 1-ლი აპრილიდან ამოქმედდება.