აჭარის ფინანსთა და ეკონომიკის სამინისტროს სატრანსპორტო პოლიტიკის დეპარტამენტის მონაცემებით, ბათუმის ნავთობჩამოსასხმელ, სარკინგზო-საბორნე, საკონტეინერო და მშრალი ტვირთების ტერმინალებში 2011 წლის განმავლობაში გადამუშავებული ტვირთების ჯამურმა მაჩვენებლებმა 7582.5 ათასი ტონა შეადგინა.
მათ შორის: შპს "ბათუმის საზღვაო ნავსადგურის" ტვირთბრუნვამ 1517,1 ათასი ტონა) შეადგინა, რაც 2010 წლის ანალოგიურ მაჩვენებელთან შედარებით 288.94 ათასი ტონით მეტია; შპს "ბათუმი ოილ ტერმინალის" მიერ 2011 წელს გადამუშავებულ იქნა 5354,8 ათასი. ტონა თხევადი სახის ტვირთები; ბათუმის საერთაშორისო საკონტეინერო ტერმინალის მიერ 2011 წელს სარკინიგზო-საბორნე გადასასვლელზე გადამუშავებული ტვირთების რაოდენობამ 710,42 ათასი ტონა შეადგინა, რაც 203.53 ათასი ტონით მეტია 2010 წლის მონაცემთან შედარებით. ასევე, საკონტეინერო ტერმინალში 2011 წელს გადამუშავებულ იქნა 45442 ცალი კონტეინერი, რაც 2,7 ჯერ მეტია 2010 წლის მონაცემთან შედარებით.