აჭარის ტურიზმისა და კურორტების დეპარტამენტის სამომავლო გეგმების განსახორციელებლად, 2012 წლის ბიუჯეტში 2 მლნ. 667 ათასი ლარი გამოიყო. დეპარტამენტის ინფორმაციით, მიზნობრივი პროგრამის - "ტურიზმის საინფორმაციო-სარეკლამო სისტემის" ფარგლებში გათვალისწინებულია არაერთი ღონისძიება - საერთაშორისო ტურისტულ გამოფენებსა და კონფერენციებში მონაწილეობა, ონლაინდაჯავშნის სისტემის დანერგვა, საინფორმაციო სარეკლამო მასალის დამზადება, რურალტურიზმისა და Birdwatching-ის განვითარებისთვის საჭირო ღონისძიებების გატარება, ქობულეთის ტურისტული ზონის გენერალური გეგმის შემუშავება და ა.შ..
განსაკუთრებით აღსანიშნავია ტურიზმის დეპარტამენტის მიერ საერთაშორისო ბაზარზე სარეკლამო მარკეტინგული საქმიანობის წარმოება. 2012 წელს პრიორიტეტული ქვეყნებად იკვეთება პოლონეთი და ისრაელი, რომელთა მიმართულებითაც იგეგმება ჩარტერული რეისების განხორციელება. შესაბამისად, წელს აჭარა უცხოელი ტურისტების ზრდას ელოდება.
