აჭარის რეგიონში, მდინარე კინტრშზე, "კინტრიშა ჰესს" ქართული კომპანია "ჰიდრო დეველოპმენტ კომპანი" ააშენებს.
საქართველოსა და კომპანიას შორის ჰესის მშენებლობის, ფლობისა და ოპერირების შესახებ ურთიერთგაგების მემორანდუმი უკვე გაფორმდა. ჰესის დადგმული სიმძლავრე 5 მეგავატია. კომპანია პროექტში 8 მლნ აშშ დოლარის ინვესტიციას ჩადებს.
მემორანდუმით, "ჰიდრო დეველოპმენტ კომპანი" ვალდებულებად იღებს, ჰესის მშენებლობა მიმდინარე წლის მარტში დაიწყოს და 2014 წლის ივლისში დაასრულოს. "კინტრიშა ჰესი" ექსპლუატაციაში 2014 წლის სექტემბერში შევა.