ლუდის მოყვარულთ ამიერიდან განახლებული „ნატახტარის" დაგემოვნება შეეძლებათ. განახლებული „ნატახტარი“ ქსელში უახლოეს დღეებში გაეშვება. შეიცვალა „ნატახტარის“ ბოთლის დიზაინი,შეფუთვა და ეტიკეტი. განახლებული „ნატახტარის“ ბაზარზე გამოსვლა კომპანიამ ,„თბილისის ივენთ ჰოლში" გრანდიოზული პრეზენტაციით აღნიშნა, სადაც სტუმრებს შესაძლებლობა ქონდათ არსებულ „ნატახტართან“ ერთად განახლებული „ნატახტარიც“ დაეგემოვნებინათ და ბაზარზე განახლებული ლუდის გამოსვლა საზეიმოდ აღენიშნათ.
„ჩვენი მომხმარებლების თხოვნის შედეგად შეიცვალა კომპანიის ლოგო, შეფუთვა, ეტიკეტი და ბოთლის დიზაინი. შედეგად „ნატახტარი“ გახდა უფრო დახვეწილი და ვფიქრობთ, რომ ჩვენი მომხმარებლები ლუდს უფრო სიამოვნებით მიირთმევენ“- აღნიშნა „ნატახტარის" მარკეტინგის მენეჯერმა თორნიკე ნიკოლაიშვილმა.
პრეზენტაციის ოფიციალური ნაწილის შემდეგ სტუმრების განწყობაზე Tbilisi Big Band-მა, მაია ბარათაშვილმა, მარიკო ებრალიძემ, თაკო გაჩეჩილაძემ, ზაურ შავგულიძემ, გიორგი სუხიტაშვილმა, მარიკა ონიაშვილმა, თამთა ცხვიტავამ, დავით ილურიძის ბენდმა, ხათუნა ჯალაღონიამ და მაკა გამყრელიძემ იზრუნეს.
შეგახსენებთ, რომ 2005 წლის სექტემბერში, სააქციო საზოგადოებამ „ლომისმა" თი-ბი-სი ბანკისა და EBRDის უპრეცენდენტო ინვესტიციების მოზიდვის შედეგად ააშენადა აამუშავა თანამედროვე ტექნოლოგიებით აღჭურვილი ლუდსახარში „ნატახტარი". სოფლის დედაქალაქთან სიახლოვე და ნატახტრის წყლის უნიკალური თვისებები შესანიშნავ პირობებს ქმნიდა წარმატებული საწარმოს შესაქმნელად.
2008 წელს ლუდსახარშის საქმიანობით დაინტერესდა მსოფლიოში ლუდის მწარმოებელი ერთ-ერთი უმსხვილესი კომპანია Efes Breweries International, რომელმაც ლუდსახარშის 100%-იანი წილიშეიძინა. ამის შემდეგ დიდ ყურადღება მიექცა საერთაშორისო სტანდარტების დანერგვას და ხარისხის მართვას. განხორციელდა ინვესტიციები თანამედროვე საწარმოო ხაზებისა და ლაბორატორიის უახლესი დანადგარებით აღჭურვისათვის.
პროდუქციის მიკრობიოლოგიური და ჰიგიენური უსაფრთხოების სრული გარანტია უახლოესი აპარატურით აღჭურვილი ლაბორატორიაა. საწარმოში ტარა იონიზირებული ჰაერით და ულტრაიისფერი სხივების საშუალებით სუფთავდება. პოლიეთილენის ბოთლები იფარება დამცავი გარსით, რაც პროდუქციის საშიში მინარევებისაგან დაცვას და შენახვის ხანგრძლივობას განაპირობებს. პროდუქციის ხარისხს კი უნიკალური თვისებებით გამორჩეული ნედლეული და ტექნიკური პერსონალის დახვეწილი ოსტატობა უზრუნველყოფს.
„ნატახტარი" ქართული ლუდის ბაზრის 65%-ზე მეტი წილის მფლობელია. კომპანია მომხმარებელს სთავაზობს ლუდის სამ ბრენდს (ნატახტარი, 3D [ტრიდე] და ეფესი), სამ ქვებრენდს (კასრი,ქარვა და ექსტრა) და შვიდი დასახელების ლიმონათს
2008 წლიდან კომპანია "ნატახტარი" გახდა საქართველოს ფეხბურთის ფედერაციისა და რაგბის კავშირის ოფიციალური სპონსორი. 2011 წლიდან კი - კალათბურთის ფედერაციისა და ნაკრების სპონსორი.
მასალის გამოყენების პირობები