საქართველო-თურქეთის ენერგეტიკულ კონფერენციაზე საქართველოს ტერიტორიაზე ახალი ჰიდროელექტროსადგურების მშენებლობის საკითხი განიხილება.
ამის შესახებ განცხადება, ენერგეტიკისა და ბუნებრივი რესურსების მინისტრმა ალექსნადრე ხეთაგურმა გააკეთა. ხეთაგურის განმარტებით კონფერენციაზე განიხილება ასევე თურქეთ-საქართველოს დამაკავრშირებელი ელექტროგადამცემი ხაზის მშენებლობის საკითხებიც.
"დღევანდელ კონფერენციაზე ჩვენ განვიხილავთ ახალი ჰიდროელეტქროსადგურების მშენებლობას, იმავდროულად თურქეთთან ახალი გადამცემი ხაზის მშენებლობასაც. დღესვე, ხელი ეწერება ტრანსსასაზღვრო ვაჭრობის შესახებ ხელშეკრულებას, ანუ თუ როგორ უნდა მოხდეს ელექტროენერგიის იმპორტი და ამ ხელშეკრულების რატიფიცირება შემდეგ საქართველოსა და თურქეთის პარალმენტის მიერ მოხდება", - განაცხადა ხეთაგურამა.
მინისტრის თქმით, კონფერენციას ესწრებიან საქართველოში ინვესტირების მსურველი კომპანიების წარმომადგენლები, რომლებიც ამ კონფერენციაზე დეტალურ ინფორმაციას მიიღებენ. კონფერენციაში მონაწილეობას მიიღებს ასევე საქართველოს პრემიერ-მინისტრი ნიკა გილაური. თურქეთის ენერეგტიკისა და ბუნებრივი რესურსების მინისტრი თანერ ილდიზი და ასევე თურქეთის საბანკო სექტორისა და ენერგეტიკული კომპანიების წარმომადგენლები.
დღესვე დაგეგმილია ალექსანდრე ხეთაგურისა და თანერ ილდიზის მიერ ბორჩხა- ახალციხის დამაკავშირებელი 400 კვ-იანი ელექტროგადამცემი ხაზით ელექტროენერგიის ტრანსასაზღვრო ვაჭრობის შესახებ საერთაშორისო ხელშეკრულების გაფორმება.
ბორჩხა-ახალციხეს დამაკავშირებელი 400 კვ-იანი ელექტროგადამცემი ხაზი შავი ზღვის ელექტროგადამცემი ქსელის პროექტის ფარგლებში შენდება. პროექტით გათვალისიწნებულია 500 კილოვოლტიანი და 400 კილოვოლტიანი ელექტროგადამცემი ხაზების მშენებლობა. დამონტაჟდება 700 მეგავატის სიმძლავრის მუდმივი დენის ჩანართი და არსებულ ინფრასტრუქტურას ჩაუტარდება რეაბილიტაცია.
ენერგეტიკის სამინისტროს ინფორმაციით, კავკასიაში საქართველო პირველი ქვეყანაა, რომლის ენერგოსისტემაში მუდმივი დენის ჩანართი დამონტაჟდება. ამ სისტემით მსოფლიოს განვითარებული ქვეყნები სარგებლობენ. მუდმივი დენის ჩანართი შესაძლებელს გახდის შეუფერხებლად და დანაკარგების გარეშე საქართველოში წარმოებული ელექტროენერგია ექსპორტზე თურქეთსა და ევროპაში გავიდეს, რაც საქართველოს ელექტროენერგიის მსხვილ ექსპორტიორ ქვეყნად აქცევს. განსახორციელებელი სამუშაოების ღირებულება 300 მილიონ ევროს შეადგენს და პროექტს საქართველოს მთავრობასთან ერთად მსხვილი საერთაშორისო ფინანსური ინსტიტუტები აფინანსებენ. შავი ზღვის ელექტროგადამცემი ხაზის პროექტს სამი კომპანია ახორციელებს, რომლებიც ღია საერთაშორისო ტენდერით შეირჩა. ახალი ელექტროგადამცემი ხაზი ექსპლუატაციაში 2012 წლის მაისიდან შევა.
