კავკასიის კვლევითი რესურსების ცენტრის კვლევის შედეგების თანახმად, საქართველოსთვის ამჟამად ყველაზე მნიშვნელოვან საკითხად გამოკითხულთა 58% სამუსაო ადგილებს მიიჩნევს. კვლევის თანახმად, ყველაზე მნიშვნელოვან საკითხთა შორის ტერიტორიული მთლიანობა მეორე ადგილზეა, სიღარიბე კი მესამეზე.
გამოკითხულთა 24%-ის აზრით, ქვეყანაში ყველაზე მნიშვნელოვანი საკითხი ფასების ზრდაა, 24%-ისთვის კი პენსიების ზრდა.
მნიშვნელოვან საკითხებს შორის ასევე დასახელებულია ხელმისაწვდომი სამედიცინო მომსახურება და რუსეთთან ურთიერთობა.
ანგარიში 2009 და 2011 წლებში ჩატარებულ კვლევებს ეყრდნობა და მასში წარმოდგენილია ქართული საზოგადოების განწყობა ევროკავშირის მიმართ. 2009 წლის 26 ივლისიდან 7 აგვისტომდე 1683 რესპონდენტი გამოიკითხა, ხოლო 2011 წლის 7-იდან 18 ივლისამდე - 1818.
მასალის გამოყენების პირობები