სოფლის მეურნეობის სამინისტროს ინფორმაციით, ბოლო პერიოდში სხვადასხვა მასობრივი ინფორმაციის საშუალებით, არასარწმუნო წყაროებზე დაყრდნობით გავრცელებული ინფორმაცია, თითქოს იტალიური ბრენდის "Ferrero Rocher" -ის წარმოების საბავშო შოკოლადის - "ქინდერ სიურპრიზი"-ს მიღება იწვევს მოწამვლას ბავშვებში, არ შეესაბამება სინამდვილეს.
სურსათის ეროვნული სააგენტო, რომელიც წარმოადგენს ქვეყანაში სურსათის უვლებლობის სფეროში სახელმწიფო კონტროლის განმახორციელებელ ორგანოს, განმარტავს, რომ ბავშვებში საკმაოდ პოპულარული შოკოლადი "ქინდერ სიურპრიზი" არ იწვევს მოწამვლას.
გავრცელებულ ინფორმაციებში საფრთხის ერთ-ერთ მიზეზად დასახელებული იყო შოკოლადში მოთავსებული მცირე ზომის სათამაშოების საჭმლის მომნელებელ ორგანოებში მოხვედრის საშიშროებაც, რის გამოც აშშ-ში იზღუდება აღნიშნული პროდუქტის მოხმარება. თუმცა, ევროპაში მისი რეალიზაცია დაშვებულია. საქართველოში მოქმედი კანონმდებლობითა და რეგლამენტირებული მოთხოვნებით, შოკოლადის - "ქინდერ სიურპრიზი"-ს რეალიზაცია არ იკრძალება.