სადაზღვევო კომპანია “ალდაგი ბისიაის” შვილობილმა კომპანიამ „ჩემი ოჯახის კლინიკამ“ ბლოკ ჯორჯიას სამედიცინო აქტივების 100% შეიძინა. გარიგების თანახმად, “ბლოკ ჯორჯიას” დამფუძნებლები “ალდაგი ბისიაის” შვილობილი კომპანიის „ჩემი ოჯახის კლინიკის“ პარტნიორები გახდნენ. აღნიშნული გარიგება ნაწილობრივ თანხის გადახდით, ნაწილობრივ – ბლოკ ჯორჯიას საინვესტიციო ვალდებულების აღებით და ნაწილობრივ – „ჩემი ოჯახის კლინიკის“ აქციების გადაცემით შედგა.
სადაზღვეო კომპანიაში განმარტავენ, რომ აღნიშნული გარიგების შედეგად, „ჩემი ოჯახის კლინიკა“ დასავლეთ საქართველოში 16 ჰოსპიტალის (730 საწოლი) მფლობელი გახდა. ალდაგი ბისიაის შვილობილი კომპანია ამიერიდან ქვეყანაში ყველაზე მსხვილ სამედიცინო სერვისის მიმწოდებელს წარმოადგენს.
მასალის გამოყენების პირობები