ეკონომიკური თავისუფლების რეიტინგში საქართველმ 29-დან 34-ე ადგილზე გადაინაცვლა. საქართველო რეგიონში პირველ ადგილზეა და მნიშვნელოვნად უსწრებს აზერბაიჯანსა და სომხეთს.
თუმცა უნდა აღინიშნოს, რომ 2011 წლის მონაცემები 5 პუნქტითაა გაუარესებული, რადგანაც 2010 წლის რეიტინგში საქართველო 29-ე პოზიციაზე იყო.
ჰონკონგმა მსოფლიოს თავისუფალი ეკონომიკის ტიტული Heritage Foundation-ის რეიტინგში ისევ შეინარჩუნა. რეიტინგში მეორე ადგილზე სინგაპურია, შემდეგ მოდიან ავსტრალია, ახალი ზელანდია და შვეიცარია.
აღსანიშნავია, რომ ჰონკონგი, ფინანსური ბაზრების რეიტინგში, მსოფლიოში ყველაზე განვითარებულ ფინანსურ ბაზრად დასახელდა.
ეკონომიკური თავისუფლების ინდექსის შედგენა, კანონების ეფექტურობისა და ქმედითუნარიანობის, მთავრობისა და მარეგულირებელი ორგანოების ქმედითობის, ასევე ღია ბაზრების საფუძველზე მოხდა.
ანგარიშში აღნიშნულია, რომ ეკონომიკური თავისაუფლების კუთხით მსოფლიოში სიტუაცია გაუარესდა, რასაც ექსპერტები კრიზისს უკავშირებენ.
ეკონომიკური თავისუფლების ინდექსის შენელებაა დაფიქსირებული ჩრდილოეთ ამერიკისა და ევროპის ქვეყნებში და ასევე აზიის ბევრ ქვეყანაში და ცენტრალური და სამხრეთ აფრიკის ცალკეული ქვეყნებში.
რეიტინგში აშშ- მე-10 ადგილს იკავებს, მაშინ როდესაც 2010 წლის რეიტინგში მე-9 ადგილზე იყო. რეიტინგში დიდი ბრიტანეთი მე-14 ადგილზეა.
ყოფილი საბჭოთა კავშირის ქვეყნებიდან ეკონომიკური თავისუფლების მხრივ საუკეთესო სიტუაციაში ესტონეთი იმყოფება, რომელიც რეიტინგში მე-16 ადგილს იკავებს.
რეიტინგის 23-ე ადგილზე ლიტვა, 34-ე ადგილზე საქართველო, 39-ე ადგილზე სომხეთი, 56-ე ადგილზე ლატვია, 91-ე ადგილზე აზერბაიჯანი, 124-ე ადგილზე მოლდოვა, 129-ე ადგილზე ტაჯიკეთი, ხოლო 144-ე ადგილზე რუსეთი, 153-ე ადგილზე ბელორუსი, ხოლო 163-ე ადგილზე უკრაინაა.
