ბანკი "ქართუ" VBV Service-ს პოპულარიზაციას იწყებს. ამ მიზნით, 16 იანვარს 11:00 საათზე, "თბილისი მარიოტში" ბანკი "ქართუს" მენეჯმენტი პრესკონფერენციას გამართავს და ახალ პროდუქტზე ვრცლად ისაუბრებენ. ბანკში აცხადებენ, რომ 2011 წლის 27 დეკემბრიდან სს ბანკი "ქართუს" მიერ დაინერგა პლასტიკური ბარათების ახალი პროდუქტი- ინტერნეტული ტრანზაქციების უსაფრთხოების სერვისი (VBV Service).
აღსანიშნავია, რომ რომ ბანკი "ქართუ" რეგიონში პირველი და აღმოსავლეთ ევროპის რეგიონში ერთ-ერთი პირველთაგანია, რომელიც მომხმარებლებსინტერნეტტრანზაქციების უსაფრთხოების უმაღლეს სტანდარტს სთავაზობს.
"ახალი VBV სერვისის მეშვეობით ონლაინტრანზაქციის პროცესში მოწმდება ვებგვერდზე შეყვანილი ბანკი ქართუს პლასტიკური ბარათის მონაცემებისა და მისი მფლობელის იდენტურობა. აღნიშნულ სერვისს, ბანკთან ერთად, უზრუნველყოფს საერთაშორისო საგადახდო სისტემა VISA International.
საიტებზე ვაჭრობის შემდეგ, საბოლოო ანგარიშსწორების განხორციელებამდე, ბარათის მფლობელი მობილური ტელეფონით მიიღებს მოკლე ტექსტურ შეტყობინებაში მითითებულ ერთჯერად პაროლს და შესაბამის ველში მისი შეყვანით წარმატებით დაასრულებს შესყიდვის ოპერაციას"- განმარტავს ბანკი "ქართუს" მენეჯმენტი.
