როგორც დღეს გამართულ მთავრობის სხდომაზე პრემიერმა აღნიშნა, ხელისუფლების ნომერ პირველ საზრუნავად კვლავ სოციალური მხარდაჭერის პაკეტი რჩება, როემლიც 2012 წლის სახელმწიფო ბიუჯეტში უკვე აისახა.

"სოციალურ პაკეტში ვგულისხმობ საპენსიო პაკეტის ზრდას მიმდინარე წლის პირველი სექტემბრიდან. იცით რომ ახალი კანონმდებლობის მიხედვით ეს პაკეტი 140 ლარამდე იზრდება, რომელიც ასაკით ყველა პენსიონერს გადაეცემა. მასში შედის როგორც დაზღვევის ვაუჩერი ასევე თანხაც" - აღნიშნა გილაურმა და აქვე დასძინა რომ 2012 წლის 1 სექტემბრიდან ასევე ყველა პენსიონერი და 0-დან 5 წლამდე ბავშვის დაზღვევაც მოხდება.

პრემიერ-მინისტრის შეფასებით ეს არის ერთ-ერთი უმნიშვნელოვანესი გარღვევა ჯანდაცვის სფეროში. ამასთან გილაურის თქმით, იანვრის თვეში საავადმყოფოების გახსნა კვლავ გაგრძელდება და 30-მდე ახალი სამედიცინო დაწესებულება გაიხსნება.

"მარტი, აპრილი, მაისის თვეში იგეგმება უფრო დიდი რეიგონალური 70-100 საწოლიანი საავადმყოფოების გახსნა თელავში, ფოთში და სხვა ქალაქბეში" - აღნიშნა პრემიერმა.

მისივე თქმით, მიმდინარე წელს ასევე გაგრძელდება სერთიფიცირების პროცესი და უკვე სერთიფიცირებული მასწავლებლების წახალისებაც. შესაბბამისად თანხები განათლების სამინისტროს ბიუჯეტში უკვე ასახულია.

გილაურის თქმით, საქართველოს მთავრობისთვის ერთ-ერთ ყველაზე მნიშვნელოვან სფეროდ კვალვ სოფლის მეურნეობა რჩება და ამის გათვალისწინებით სამინისტროს ბიუჯეტი 30 პროცენტით გაიზარდა.

"აშკარად ვხედავთ სოფლის მეურნეობის დარგში კერძო სექტორის აქტივობასაც, რამაც პოზიტიური რეზულტატი უკვე გამოიღო" - აღნიშნა პრემიერმა.

ამ წუთებში კანცელარიაში მთავრობის სხდომა მიმდინარეობს, რომელზეც მინისტრთა კაბინეტი 19 საკითხს განიხილავს.