2011 წელს აჭარა 1 მლნ. 319 ათას 513 ტურისტმა მოინახულა. როგორც ”ჯი-ეიჩ-ენს” აჭარის ტურიზმის დეპარტამენტიდან აცნობეს, 2011 წელს სულ აჭარაში 1 მლნ. 319 ათას 513 ვიზიტორი იმყოფებოდა, რაც წინა წელთან შედარებით 35,4%-ით მეტია, ხოლო 2009-თან შედარებით კი 138,1%-ით მეტი. დეპარტამენტში განმარტავენ, რომ 2010 წელს სულ აჭარა 974 ათას 563 ვიზიტორმა მოინახულა, ხოლო 2009 წელს კი 554 ათას 150 ვიზიტორმა. 2011 წელს აჭარაში ჩასულ უცხოელ ვიზიტორთა რაოდენობა იყო 480 ათას 852 ვიზიტორი, რაც 2010 წელთან შედარებით 54%-ით მეტია, ხოლო 2009-თან შედარებით კი 196,7%-ით მეტი. 2010 წლის აჭარას 312 ათას 275 უცხოელი ვიზიტორი სტუმრობდა, ხოლო 2009 წელს კი 162 ათას 59 ვიზიტორი. აჭარის ტურიზმის დეპარტამენტის ინფორმაციით, აჭარას 2011 წელს ყველაზე მეტი ტურისტი თურქეთიდან ეწვია და წლის განმავლობაში თურქი ტურისტების რაოდენობამ 232 ათას 552 ვიზიტორი შეადგინა. 2011 წელს აჭარას სოლიდური რაოდენობის ტურისტი სტუმრობდა ასევე სომხეთიდანაც, საიდანაც საქართველოში 104 ათას 561 ვიზიტორი შემოვიდა.