2011 წლის დეკემბერში წინა თვესთან შედარებით საქართველოში ინფლაციის დონემ 0,6 პროცენტი შეადგინა. "საქსტატის" ინფორმაციით, მოცემულ პერიოდში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სურსათისა და უალკოჰოლო სასმელები და ტრანსპორტი.
"საქსტატის" ინფორმაციით, სურსათისა და უალკოჰოლო სასმელების ჯგუფის ფასები გაიზარდა 1,5 პროცენტით და მისმა წვლილმა დეკემბრის თვის ინფლაციაში 0,66 პროცენტული პუნქტი შეადგინა. ფასების მნიშვნელოვანი ზრდა დაფიქსირდა შემდეგ ქვეჯგუფებზე: ბოსტნეული, ბაღჩეული, კარტოფილი და სხვა ბოლქვოვანები (9,6 პროცენტი), თევზეული (2,8 პროცენტი), რძე, ყველი და კვერცხი (2,0 პროცენტი). ფასები მნიშვნელოვნად შემცირდა შემდეგ ქვეჯგუფებზე: შაქარი და ტკბილეული (4,3 პროცენტი), პური და პურპროდუქტები (0,9 პროცენტი).
რაც შეეხება ტრანსპორტს, ტრანსპორტის ჯგუფზე ფასები შემცირდა 0,6 პროცენტით და მისმა წვლილმა მთლიანი ინფლაციის მაჩვენებელში -0,07 პროცენტული პუნქტი შეადგინა. მნიშვნელოვანი კლება დაფიქსირდა საწვავ-საპოხ მასალებზე (2,2 პროცენტი) და სამოქალაქო საჰაერო ტრანსპორტზე (1,3 პროცენტი)
