ენერგეტიკისა და ბუნებრივი რესურსების სამინისტროს ინფორმაციით, ენერგეტიკის მიმართ ინვესტორების დაინტერესება მუდმივად იზრდება. კერძოდ, მიმდინარე წლის მესამე კვარტალის მონაცემებით, უცხოურ ინვესტიციებში ყველაზე დიდი წილი ენერგეტიკის სექტორს უკავია. სტატისტიკის ეროვნული სამსახურის ინფორმაციით, 2011 წლის მესამე კვარტლის განმავლობაში, საქართველოში სულ 266 მლნ აშშ დოლარის უცხოური ინვესტიცია შემოვიდა. აქედან, ენერგეტიკაში 86,1 მლნ აშშ დოლარი ჩაიდო, რაც 2010 წლის ანალოგიური პერიოდის მაჩვენებელს მნიშვნელოვნად აღემატება.
აღსანიშნავია, რომ მომავალში ენერგეტიკაში უცხოური ინვესტიციები უფრო გაიზრდება, რადგან სამინისტრომ მოსამზადებელი პერიოდი წარმარტებით გაიარა და უკვე კონკრეტული საინვესტიციო პროექტების განხორციელების ეტაპზე გადავიდა, რაც ამ სექტორში დამატებით ინვესტიციებს მოიზიდავს და ახალ სამუშაო ადგილებს შექმნის.
