2012 წელს, ინფრასტრუქტის განვითარებისთვის, ბიუჯეტის 25,5 %-ი დაიხარჯება. ფინანსთა მინისტრის ინფორმაციით, 2011 წელს მთლიანი ბიუჯეტის 26 პროცენტი ინფრასტრუქტურის განვითარებაზე დაიხარჯა, რაც შეეხება 2012 წელს - ინფრასტრუქტის განვითარებისთვის - 25,5 %-ი დაიხარჯება.
"2011 წელი საკმაოდ წარმატებული იყო, რადგანაც წლის ბოლოს დავასრულეთ გაფორმება იმ მხარდაჭერისა, რომელიც 2008 წლის ოქტომბერში ბრიუსელის კონფერენციაზე მივიღეთ. 2011 წელს მთლიანად გაფორმებული რესურსი შეადგენს 360 მლნ. დოლარს, რომელიც გაივლის ხაზინის ანგარიშებს და მისი მიმღები არის საქართველოს მთავრობა და ფინანსთა სამინისტრო. ამის გარდა დონორები აფინანსებენ სხვა პროექტებსაც, სადაც თანხის მიმღებები არიან კერძო სამართლის იურიდიული პირები", - აცხადებს დიმიტრი გვინდაძე.
მინისტრის თქმით, 2012 წელს დაგეგმილია ხელშეკრულების გაფორმება 1 მლრდ. დოლარის შემოდინებაზე.
"საიდანაც 80 %-ი ინფრასტრუქტურის განვითარებას მოხმარდება. საუბარია ენერგეტიკაზე, მაღალი ძაბვის გადამცემ ხაზებზე, საუბარია ასევე საგზაო ინფრასტრუქტურაზე. საუბარია ასევე წყალმომარაგების სისტემების გაუმჯობესებაზე, რაზეც ქვეყნის მასშტაბით 300 მლნ. დოლარი დაიხარჯება", - განაცხადა დიმიტრი გვინდაძემ.