2012 წლიდან ბათუმში წყლისა და საკანალიზაციო სისტემის რეაბილიტაციის პროექტის მესამე ფაზის სამუშაოები დაიწყება. ბათუმის მერიაში საერთაშორისო ტენდერში მონაწილე კომპანიების ფინანსური წინადადებები უკვე გაიხსნა.
მერიის ინფორმაციით, თავდაპირველად ტენდერში 17 კომპანია მონაწილეობდა, პირველი ეტაპი მხოლოდ ოთხმა კომპანიამ გადალახა. გამარჯვებულის ვინაობა ერთ თვეში გახდება ცნობილი.
რეაბილიტაციის მესამე ეტაპი აეროპორტის მიმდებარე ტერიტორიის, ე.წ. გოროდოკის, თამარის დასახლების საკანალიზაციო სისტემის რეაბილიტაციას ითვალისწინებს, ასევე მოიცავს ჩაქვი-მახინჯაური-მწვანე კონცხის წყალმომარაგების სისტემის აღდგენას.
სამუშაოების ღირებულება 44 მილიონ ევროს შეადგენს და გერმანიის განვითარებისა რეკონსტრუქციის ბანკის, ევროკავშირისა და ქალაქის თვითმმართველობის თანადაფინანსებით ხორციელდება. მესამე ფაზის სამუშაოები 2017 წლისთვის დასრულდება.
მასალის გამოყენების პირობები
