მთავრობა კოპიტნარის აეროპორტის გასხვისებას არ გეგმავს. როგორდც დღეს 2011 წლის შემაჯამებელ ბრიფინგზე, ეკონომიკისა და მდგრადი განვითარების მინისტრმა ვერა ქობალიამ განაცხადა, მთავრობას დაგეგილი აქვს, რომ კოპიტნარის აერიოპორტის ოპერირება სხვა კომპანიამ განახორციელოს, რადგანაც მთავრობას ამ მიმართულებით სათანადო გამოცდილება არ გააჩნია. მინისტრის თქმით, დაბალტარიფიანი ავიაკომპანიების შემოსვლას სწორედ რომ სახელმწიფო აეროპორტი განაპირობებს.
"აუცილებელია, რომ აეროპორტი სახელმწიფო საკუთრებაში იყოს, როდესაც ჩვენ ვსაუბრობთ დაბალბიუჯეტიანი ავიაკომპანიების შემოსვლაზე, ისინი კერძო აეროპორტებში არ დაფრინავენ. ისინი მოითხოვენ მინიმალურ ტარიფს და კერძო აეროპორტები გათვლილი არიან თავისთავად მოგებაზე. ხოლო როცა აეროპორტი სახელმწიფო საკუთრებაშია, მისი მიზანია ვიზიტორის შემოყვანაა", - აღნიშნა ვერა ქობალიამ.
როგორც ცნობილია ქუთაისის, კოპიტნარის საერთაშორისო აეროპორტის რეკონსტრუქცია 2012 წელს დასრულება.
შეგახსენებთ, რომ საქართველოს მთავრობა კოპიტნარის აეროპორტის გასხვისებას გეგმავდა, თუმცა საბოლოოდ მისი გასხვისება გადაიფიქრა. როგორც ცნობილია, ქუთაისის აეროპორტის საერთაშორისო სტანდარტებთან შესაბამისობაში მოსაყვანად და ნებისმიერი ევროპული დაბალბიუჯეტიანი კომპანიის მომსახურებისთვის, ეკონომიკისა და მდგრადი განვითარების სამინისტრო შპს "ქუთაისის აეროპორტის" აქტივების სიმბოლურ ფასად - 1 ლარად გასხვისებას აპირებდა. ინტერესის გამოხატვა არ ატარებდა ტენდერის ან აუქციონის სახეს, შესაბამისად, მთავრობას ჰქონდა უფლება, არ მიეღო არც ერთი განაცხადი. საქართველო მთავრობა თანახმა იყო ყოფილიყო პროექტის თანადამფინანსებელიც.
"ქუთაისის აეროპორტი" სახელმწიფო საკუთრებაში არსებული საწარმოა, რომელიც ქუთაისიდან 20 კილომეტრის დაშორებით მდებარეობს. იგი მოიცავს 35,5 ჰექტარ მიწის ნაკვეთს და 2 300 კვ.მ. შენობის ფართს. აეროპორტის ამჟამინდელი გადაზიდვის ტევადობა საათში 200 მგზავრს შეადგენს. აეროპორტი, ყოველგვარი სეზონური შეფერხების გარეშე, 24 საათის განმავლობაში ფუნქციონირებს.