მთავრობა ელექტრომობილებზე სავარაუდოდ 2012 წლის პირველ ნახევარში გადავა. როგორც დღეს წლის შემაჯამებელ კითხვაზე, ეკონომიკისა და მდგრადი განვითარების მინისტრმა "ჯი-ეიჩ-ენის" კითხვის პასუხად განაცხადა, ელეტრომობილების მწარმოებელმა კომპანიებმა მსხვილი დაკვეთებია დროებით შეაჩერეს და აღნიშნული კომპანიები რეალიტაციებს სავარაუდოდ 2012 წლის პირველი კვარტლიდან განაახლებენ.
"სამწუხაროდ, თვითონ კომპანიები, ვთქვათ "რენო" თუ სხვა კომპანიები, რომლებიც ამ მიმართულებით მუშაობენ, მათ დიდი მოცულობით ელექტომობილების წარმოების პროცესი გააჩერეს. ეს კი მოხდა იმიტომ, რომ ეს კომპანიები ვერ შეთანხმდნენ ტექნოლოგიებსა და ფასებზე. ამიტომ თავიანთი გეგმები 2012 წლის პირველი კვარტლისთვის გადასწიეს და სწორედ ამ დროს დაიწყებენ ისინი დიდი რაოდენობით გაყიდვებს. ამ ეტაპზე სწორედ ამიტომ ვართ გაჩერებული ელექტრომობილები შეამცირებს ქვეყნის მიერ ნავთობის შესყიდვას. საქართველო ელექტროენერგიის ქვეყანაა და ამიტომ რაც უფრო მეტად გადავალთ ელექტროენერგიის მოხმარებაზე მით უკეთესი იქნება ქეყნისთვის და ამით იმპორტს ჩავანაცვლებთ", - განაცხადა ეკონომიკისა და მდგრადი განვითარების მინისტრმა, ვერა ქობალიამ.
შეგახსენებთ, რომ ეკონომიკისა და მდგრადი განვითარების მინისტრმა
და „რენოს" აღმასრულებელმა ვიცე-პრეზიდენტმა ფილიპ კლეინმა ხელი მოაწერეს შეთანხმებას საქართველოში ელექტრომობილების გამოყენების ინფრასტრუქტურის განვითარების სფეროში თანამშრომლობის თაობაზე.
ხელმოწერა საფრანგეთში ვერა ქობალიას ოფიციალური ვიზიტის ფარგლებში განხორციელდა. დოკუმენტზე ხელმოწერის შემდეგ, ფილიპ კლეინმა თავად დაათვალიერებინა ქართველ მინისტრს „რენოში" დამზადებული ელექტრომობილი, რის შემდეგაც ვერა ქობალიამ მონაწილეობა მიიღო ახალი მანქანის ტესტ-დრაივში.
საქართველოს ეკონომიკისა და მდგრადი განვითარების მინისტრის ვერა ქობალიას განცხადებით, დოკუმენტზე ხელმოწერით გადაიდგა პირველი ნაბიჯი, რათა საქართველოს ასევე ჰქონდეს ელექტრომობილების პარკი.
მისი თქმით, შეთანხმება ითვალისწინებს „რენოს" სპეციალისტების მხრიდან საქართველოში კვლევის ჩატარებას, სად და რამდენი სერვისცენტრი უნდა განთავდეს და პირველ ეტაპზე, რამდენი ელექტრომობილის შეძენა იქნება მიზანშეწონილი. ვერა ქობალიას განცხადებით, ელექტრომობილების შემოყვანის პროცესი 2012 წლიდან დაიწყება, რათა საქართველოს მოსახლეობას ჰქონდეს არჩევანის საშუალება, ისარგებლოს ავტომანქანით, რომელიც მოძრაობს ნავთობპროდუქტებზე, თუ ელექტრომობილით.