2011 წელს თელასმა 6-10-კილოვოლტიანი ძაბვის ქსელის სადისპეტჩერო მართვის სისტემა გააუმჯობესა. როგორც დღეს კომპანიის 2011 წლის ანაგრიშის პრეზენტაციისას გახდა ცნობილი, სამხრეთ კავკასიის ენერგოსადისტრიბუციო კომპანიებს შორის სს თელასმა პირველმა დანერგა საშუალო ძაბვის გამანაწილებელი ქსელის მართვის კომპიუტერული სისტემა.
ახალი სისტემის მეშვეობით, დისპეტჩერებს შეუძლიათ, ერთდროუულად აკონტროლონ როგორც მთელი ქსელის მუშაობა, ასევე სიტუაცია გამანაწილებელი ქსელის ცალკეულ უბნებზე და უმოკლეს ვადებში განახორციელონ ელექტროენერგიის უმეტესწილად მიწოდებასთან დაკავშირებული მანიპულაციები.
წელსვე კომპანია "თელასმა" საწარმოს რესურსების დაგეგმვის სისტემა დანერგა - ესაა საწარმოს შიდა და გარე რესურსების მართვის ინტეგრირებული სისტემა, სიანფორმაციო ტექნოლოგიების ბაზაზე. პროექტის რეალიზაციის შედეგად სტანდარტიზებულია საბუღალტრო აღრიცხვის, დაგეგმვის, ელექტროენერგიის შესყიდვისა და რეალიზაციის, ასევე ფინანსების მართვის პროცესები. თელასის ინფორმაციით erp-სისტემის გამოყენება შემდეგ კონკრეტულ შედეგებს გამოიღებს: გაზირდება კომპანიის საინვესტიციო მიმზიდველობა, ამაღლდება ბიზნესპროცედურების გამჭვირვალეობა, გაუმჯობესდება ხარჯების კონტროლი და საფინანსო დისციპლინა.
გამანაწილებელი ქსელის რეაბილიტაციისა და მოდერნიზაციის პროცესი 2012 წელსაც გაგრძელდება. როგორც "თელასში" განმარტავენ, 2012 წელს კომპანიის განვითარებისთვის თელასი 26 მილიონის ინვესტირებას გეგმავს.
