2011 წლის შედეგების თანახმად სს „თელასის" მუშაობა წარმატებული იყო - გაუმჯობესდა ქსელის ტექნიკური მდგომარეობა, დაიხვეწა კომპანიის მართვის სისტემა, გაიზარდა ფინანსურ-ეკონომიკური მაჩვენებლები.
კომპანიის გენერალურმა დირექტორმა იური პიმონოვმა 100 წარმატებული თანამშრომელი სიგელებითა და ფულადი პრემიებით დააჯილდოვა. Dდაჯილდოების ცერემონია და კომპანია "თელასის" 2011 წლის მუშაობის შედეგების პრეზენტაცია სასტუმრო „რედისონ ბლუ ივერია"-ში შედგა.
2011 წელს "თელასის" მიერ საწარმოო და არასაწარმოო სფეროში ჩადებული ინვესტიციების მოცულობა 27,5 მილიონი ლარს შეადგენს.
ამ თანხიდან მიმდინარე წლის 11 თვის მანძილზე ათვისებულია 22,6 მილიონი ლარი, საიდანაც 15 მილიონი ლარი გამანაწილებელი ქსელის ტექნიკური გადაიარაღება-მოდერნიზაციისა და გაფართოება-რეკონსტრუქციის პროექტების განხორციელებას მოხმარდა.
კერძოდ, დასრულდა ან დასრულების სტადიაში იმყოფება ისეთი სამუშაოები როგორებიცაა, უსადენო კავშირის მოწყობა ელექტროენერგიის კომერციული აღრიცხვის ავტომატიზებული სისტემის დასანერგად; სამი მაღალი ძაბვის გამანაწილებელი ქვესადგურის ("არსენალი", "საბურთალო-3", "დინამო") რეკონსტრუქცია; სამი ცენტრალური გამანაწილებელი პუნქტის "5000", "7044", "4034" სრული რეკონსტრუქცია; 10/6 კილოვოლტიან 10 ქვესადგურებში ძალოვანი ტრანსფორმატორების შეცვლა; სატრანსფორმატორო ქვესადგურებში 79 უჯრედის შეცვლა; 35/10/6/0,4 კილოვოლტიანი ამორტიზებული საკაბელო ელექტროგადამცემი ხაზების განახლება (სულ 55 კილომეტრზე მეტი). აგრეთვე მაღალი ძაბვის ქვესადგურებში "მთაწმინდა" და "საბურთალო-2" ორი ძალოვანი ტრანცფორმატორის კაპიტალური რემონტი ჩატარდა. ზემოთაღნიშნული სამუშაოების ღირებულებამ 9,4 მილიონი ლარი შეადგინა.
რაც შეეხება ქსელის გაფართოება-რეკონსტრუქციასა და ახალი აბონენტების მიერთებას, ამ პროექტების განსახორციელებლად 2011 წლის 11 თვეში კომპანიამ 5,6 მილიონი ლარი დახარჯა.
ყველა ზემოხსენებული სამუშაოების ჩატარების შედეგად, გაიზარდა აბონენტების ენერგომომარაგების საიმედოობა, შემცირდა ელექტროენერგიის დანაკარგების ოდენობა. 2011 წლის 11 თვის მონაცემებით 2010 წლის ანალოგიურ პერიოდთან შედარებით ქსელში დაფიქსირებული ტექნიკური ინციდენტების რიცხვი 26,3%-ით, ხოლო ელექტროენერგიის კომერციული დანაკარგების მაჩვენებელი 2% შემცირდა.
მნიშვნელოვანი ზრდაა დაფიქსირებული ელექტროენერგიის რეალიზაციის კუთხითაც. 2011 წლის იანვარ-ნოემბერში "თელასის" შემოსავლებმა ელექტროენერგიის რეალიზაციიდან 16 მილიონი ლარით გადააჭარბა დაგეგმილ მაჩვენებელს და 216 მილიონი ლარი შეადგინა (დღგ-ს გარეშე), ხოლო 2010 წლის 11 თვის ანალოგიურ მონაცემთან შედარებით, კომპანიამ 3 მილიონი ლარით მეტი შემოსავალი მიიღო.
აგრეთვე, წელს "თელასმა" 6-10 კილოვოლტიანი ძაბვის ქსელის სადისპეჩერო მართვის სისტემა გააუმჯობესა. სამხრეთ კავკასიის ენერგოსადისტრიბუციო კომპანიების შორის სს "თელასმა" პირველმა დანერგა საშუალო ძაბვის გამანაწილებელი ქსელის მართვის კომპიუტერული სისტემა. ახალი სისტემის მეშვეობით დისპეჩერებს შეუძლიად ერთდროულად აკონტროლონ როგორც მთელი ქსელის მუშაობა, აგრეთვე სიტუაცია გამანაწილებელი ქსელის ცალკეულ უბნებზე და უმოკლეს ვადებში განახორციელონ ელექტროენერგიის უწყვეტად მიწოდებასთან დაკავშირებული მანიპულაციები.

ამავე წელს კომპანია "თელასში" საწარმოს რესურსების დაგეგმვის სისტემა (Enterprise Resource Planning System) დაინერგა - საწარმოს შიდა და გარე რესურსების მართვის ინტეგრირებული სისტემა საინფორმაციო ტექნოლოგიების ბაზაზე.
პროექტის რეალიზაციის შედეგად სტანდარტიზებულია საბუღალტრო აღრიცხვის, დაგეგმვის, ელექტროენერგიის შესყიდვისა და რეალიზაციის, ასევე ფინანსების მართვის პროცესები. ERP-სისტემის (ცნობილი გერმანული ფირმა "SAP"-ის პროგრამული პროდუქტის) გამოყენება შემდეგ კონკრეტულ შედეგებს გამოიღებს: გაიზრდება კომპანიის საინვესტიციო მიმზიდველობა, ამაღლდება ბიზნეს პროცესების გამჭვირვალობა, გაუმჯობესდება ხარჯების კონტროლი და საფინანსო დისციპლინა.
გამანაწილებელი ქსელის რეაბილიტაციის და მოდერნიზების პროცესი მომავალ წელსაც გაგრძელდება. 2012 წელს კომპანიის განვითარებისთვის "თელასი" 26 მილიონამდე ინვესტიციას გეგმავს.