"საქართველოს ბანკის" გენერალური დირექტორი, 2011 წლის მნიშვნელოვან მოვლენად ლონდონის საფონდო ბირჟაზე პრემიუმ ლისტინგის სეგმენტში, ბანკის აქციების დაშვების ფაქტს ასახელებს.
ხოლო რაც შეეხება "წარუმატებლობას", 2011 წლის "წარუმატებლობად", "საქართველოს ბანკის" სათავო ოფისში, ერთ-ერთ ოთახში რემონტის დაუსრულებლობას ასახელებს.
როგორც დღეს, 2011 წლის შემაჯამებელ ბრიფინზე, "საქართველოს ბანკის" გენერალურმა დირექტორმა ირაკლი გილაურმა განაცხადა, 2011 წელს "საქართველოს ბანკს" ბევრი მნიშვნელოვანი წარმატება ქონდა.
"საქართველოს ბანკი" 2011 წლის მნიშვნელოვანი მოვლენების რამდენიმე მოვლენას გამოყოფს, მათ შორის 2011 წლის 5 სექტემბრის განცხადების შემდეგ, ბანკმა მნიშვნელოვანი ნაბიჯები გადადგა ლონდონის საფონდო ბირჟაზე პრემიუმ ლისტინგში მოსახვედრად;
იმავდროულად, გლობალური სარეიტინგო სააგენტოების გაზრდილი რეიტინგები და "საქართველოს ბანკის" მიღწევების გაშუქება წამყვანი დასავლური გამოცემების მიერ;
და ასევე მნიშვნელოვანი მოვლენა იყო, ბრენდის გადახალისება, ახალი სათაო ოფისის გახსნა, რეგიონალური გაფართოება და ახალი კონცეფციით შემუშავებული სერვისცენტრების გახსნა.
როგორც დღეს გამართულ ბრიფინგზე, ირაკლი გილაურმა აღნიშნა, 2011 წლის 5 სექტემბერს, "საქართველოს ბანკმა" განაცხადა მისი გადაწყვეტილების შესახებ, განათავსოს აქციები პრემიუმ ლისტინგის სეგმენტში ლონდონის საფონდო ბირჟაზე. "საქართველოს ბანკის" გენერალური დირექტორის განმარტებით, ხსენებულ ლისტინგში დაშვების შემდგომ, ბანკი ჩაერთვება FTSE ინდექსში. როგორც ცნობილია, 20 დეკემბერს, "საქართველოს ბანკმა" განაცხადა ოფიციალური სატენდერო შეთავაზების შესახებ, "საქართველოს ბანკის" ყველა ჩვეულებრივი აქციის გადაცვლაზე. შეთავაზება ერთნაირად ეხება აქციებს რომლებსაც შესაბამისი პირები ფლობენ პირდაპირ, ასევე აქციებს, რომელიც მფლობელობაშია საერთაშორისო დეპოზიტარული ხელწერილების (GDR) ფორმით.
ირაკლი გილაური ამბობს, რომ მას შემდეგ, რაც "საქართველოს ბანკმა" განაცხადა მისი განზრახვის შესახებ, მოხვდეს ლონდონის საფონდო ბირჟის პრემიუმ ლისტინგში, ბანკი მოხვდა დასავლური მედიის თვალსაწიერში და დიდი ყურადღება დაიმსახურა. სტატიები დაიბეჭდა დასავლურ გამოცემებში Financial Times, City A.M; Emergingmarkets.me და სხვა. გაშუქება მოყვა სააგენტოებში Reuters და Bloomberg. Financial Times-მა საქართველოს ბანკს FTSE ინდექსში მომავალში შემავალი, ყველაზე ნაკლებ რისკიანი ბანკი უწოდა.
აღსანიშნავია, რომ 2011 წლის 16 დეკემბერს, გლობალურმა სარეიტინგო სააგენტოებმა, Fitch Ratings და Standard & Poor's, განაცხადეს მათი გადაწყვეტილების შესახებ, აწიონ ბანკისთვის მინიჭებული რეიტინგები. S&P-მ აწია საქართველოს ბანკის რეიტინგი "B"-დან "BB-"-მდე.
"საქართველოს ბანკი" კვლავაც ერთადერთი ბანკია საქართველოში, რომელსაც აქვს S&P-ის მიერ მინიჭებული რეიტინგი. Fitch-მა აწია ბანკის რეიტინგი "BB-"-მდე, "B+'-დან. სააგენტომ ასევე აწია "საქართველოს ბანკის" ე.წ. Viability Rating („მდგრადობის" რეიტინგი), „BB-"-მდე, "B+'-დან. ამჟამად, ესაა ყველაზე მაღალი Viability Rating საქართველოში არსებულ ბანკებს შორის. რეიტინგების აწევის მიზეზად, სარეიტინგო სააგენტოებმა "საქართველოს ბანკის" ძლიერი საბაზრო პოზიციები, კაპიტალიზაცია, ლიკვიდობისა და მომგებიანობის მაჩვენებლები, ასევე კორპორატიული მართვის მაღალი სტანდარტები და მმართველი გუნდის სიძლიერე დაასახელეს"- აცხადებს ირაკლი გილაური.
ბანკის უწყვეტი განვითარების კვალდაკვალ, წლის მეორე ნახევარში "საქართველოს ბანკმა" განახორციელა მისი ბრენდის გადახალისება. ბანკმა კიდევ უფრო გაამყარა მისი კორპორატიული ბრენდი და განავრცო ის ყველა არსებულ შეთავაზებაზე - საცალო საბანკო საქმიანობა, კორპორატიული საბანკო საქმიანობა, პერსონალური საბანკო მომსახურება, დაგროვილი ქონების მართვა. ყველა ამ მიმართულებას გაუჩნდა მისი შესატყვისი ლოგო, ყველგან შენარჩუნდა უკვე კარგად ცნობილი სტაფილოსფერი ლომი. ბანკმა ასევე წარადგინა ახალი სლოგანი „იგრძენი მომავალი", რომელიც ნათლად ასახავს ბანკის ინოვაციურ სულისკვეთებას და მისწრაფებას შესთავაზოს მის მომხმარებელს ისეთი პროდუქტები და მომსახურება, რომელიც დაეხმარება მათ მეტად უზრუნველყოფილი მომავლის შექმნაში.
განახლებული ბრენდის წარდგენასთან ერთად, ბანკმა განაახლა ვებგვერდების სისტემა. ახალი ვებგვერდები გამოირჩევა თანამედროვე დიზაინით და ნავიგაციის სიმარტივით. აღსანიშნავია www.bog.ge -ზე არსებული ახალი განყოფილება „მედია ცენტრი", რომელიც სრულადაა მორგებული მედიის წარმომადგენლების და, ზოგადად, ბანკის საქმიანობით დაინტერესებული პირების საჭიროებებზე. მედია ცეტნრში შესაძლებელია ბანკის მენეჯმენტის, სათაოს, სერვისცენტრების და ბეჭდური რეკლამის ჩამოსატვირთი ვერსიების მოძიება. იქვეა განთავსებული ბანკის ყველა სარეკლამო რგოლი, სატელევიზიო სიუჟეტი და საგაზეთო სტატია.
ახალი სლოგანის გაჩენა დაემთხვა ბანკის გადასვლას ახალ სათაო ოფისში, რომელიც სრულად შეესაბამება საქარველოს ბანკის ზრდის მოთხოვნილებებს და როგორც მომხმარებლებს, ისე თანამშრომლებს სთავაზობს თანამედროვე, A კლასის ოფისის შესაბამისად მოწყობილ გარემოს. ახალ სათაოში გადასვლამდე 12 სხვადასხვა ოფისში გაფანტული 600-მდე თანამშრომელი ახლა ერთ ჭერქვეშაა გაერთიანებული, რაც დადებითად აისახება ბანკის ოპერატიულობაზეც. ყველას, ვისაც საქართველოს ბანკის სათაო ოფისის გამორჩეული შენობის ისტორია და განახლებული იერი აინტერესებს, შეუძლია მიმართოს სპეციალურ ვებგვერდს www.hq.ge; აქ ფოტოსურათების და მოკლე ფაქტების გარდა, მომხმარებელს დახვდება დამატებითი რეალობის ფუნქცია, რომელიც საშუალებას მისცემს შენობა ყველა კუთხიდან, ახლოდან დაათვალიეროს.
აღსანიშნავია ბანკის წლევანდელი რეგიონალური გაფართოება. 2011 წელს, ბანკმა გახსნა სერვისცენტრები: ქუთაისში, ზუგდიდში, ლაგოდეხში, ონში, გორში. რეგიონში ასევე გაფართოვდა პერსონალური საბანკო მომსახურება SOLO, გასხნა რა მომხახურების კუთხე ქუთაისში. ბანკმა ასევე განაახლა სერვისცენტრები რუსთავსა და თბილისში და შესთავაზა მომხმარებელს ყველაზე ხელსაყრელ ადგილას, თანამედროვე სტანდარტებით აღჭურვილი უახლესი სერვისცენტრები.
2011 წლის ბოლოს, ბანკმა მომხმარებელს სრულიად ახალი კონცეფცია - ექსპრესის სერვისცენტრები შესთავაზა. ცხრა ახალი სერვისცენტრი თბილისში, ერთდროულად გაიხსნა. დამყარებულია რა მხოლოდ სწრაფი ტრანზაქციების შესრულებზე, ექსპრესი მომხმარებელს სთავაზობს ოპერატორის მომსახურებისა და ონლაინ საბანკო მომსახურების სინთეზს. ექსპრესის სერვისცენტრები ხელმისაწვდომია საღამოს 21:00 საათამდე, ხოლო ონლაინ ზონა, სადად მომხმარებელს ბანკომატი, თვითმომსახურების და ინტერნეტბანკის ტერმინალები დახვდება, 24 საათის განმავლობაში.
სადღეისოდ, საქართველოს ბანკს, საქართველოს მასშტაბით უკვე 151 სერვისცენტრი აქვს. ბანკომატების რიცხვი 425-ს აღწევს, რაც ბანკომატების ყველაზე ფართო ქსელია საქართველოში. 2011 წლის 30 ნოემბრის მდგომარეობით, საქართველოს ბანკს გაცემული აქვს 521,167 სადებეტო ბარათი და 122,180 საკრედიტო ბარათი, მათ შორის 99,364 American Express ბარათი.
მნიშვნელოვანი მიღწევები აქვთ ბანკის შვილობილ კომპანიებს. საქართველოს ბანკის შვილობილმა კომპანიამ „სბ უძრავი ქონება" (SBRE) მიიღო 20 მლნ აშშ დოლარის მოცულობის სესხი FMO-სგან, რომელიც მოხმარდება თანამედროვე, ხელმისაწვდომი ბინათმშენებლობის პროექტს თბილისში. ეს იქნება SBRE-ს მიერ განხორციელებული მეორე ბინათმშენებლობის პროექტი, რაც ეხმიანება საქართველოს ბანკის განზრახვას, შესთავაზოს მომხმარებელს იპოთეკური სესხები, ხელმისაწვდომი ბინების შესაძენად.
წელს, საქართველოს ბანკის შვილობილმა სადაზღვევო კომპანიამ „ალდაგი ბისიაი" მოიზიდა 11,9 მლნ აშშ დოლარის მოცულობის ფინანსური რესურსი ING ბანკისგან, ჰოსპიტალური სექტორის განვითარებისთვის. აღნიშნული რესურსი მოხმარდება „ჩემი ოჯახის კლინიკის" და „ალდაგი ბისიაი"-ის ჰოსპიტალური ქსელის განვითარებას. სადაზღვევო კომპანია დასავლეთ საქართველოს რამდენიმე რაიონში უზრუნველყოფს 6 ულტრათნამედროვე სამედიცინო დაწესებულების მშენებლობას. მათ შორის ოთხი ჰოსპიტალი, რომელიც საერთო ჯამში 60 ლოგინს ითვლის, „ალდაგი ბისიაი"-მ დროულად დაასრულა და გახსნა. კიდევ ორი სამედიცინო დაწესებულება გაიხსნება 2012 წლის პირველ ნახევარში.