"საქართველოს ბანკი" 2011 წელს 135 მლნ. ლარის მოგებით დაასრულებს. როგორც დღეს გამართულ, წლის შემაჯამებელ ბრიფინგზე, "საქართველოს ბანკის" გენერალურმა დირექტორმა ირაკლი გილაურმა განაცხადა, მიუხედავად იმისა, რომ 2011 წელი ჯერ დასრულებული არ არის, ბანკის მენეჯმენტის გათვლებით, 2011 წლისთვის "საქართველოს ბანკის" წმინდა მოგება 135 მლნ. ლარს გადააჭარბებს.
ირაკლი გილაურის განმარტებით, წინასწარი მონაცემებით, 2011 წელს "საქართველოს ბანკის" დეპოზიტები 17 %-ით, ანუ 550 მლნ. ლარით 2,3 მლრდ. ლარამდე იქნება გაზრდილი. ხოლო საკრედიტო პორტფელი დაახლოებით 17 %-ით გაიზრდება, ანუ ზრდა 400 მლნ. ლარი იქნება და 2011 წლისთვის ბანკის საკრედიტო პორთფელი 2,6 მლრდ. ლარი იქნება.
