ყაზბეგის რაიონში, მდინარე თერგზე, დარიალის 108 მგვტ-იანი ჰიდროელექტროსადგურის შესასვლელი გვირაბის მშენებლობისათვის ტენდერი ცხადდება.
ენერგეტიკისა და ბუნებრივი რესურსების სამინისტროს ინფორმაციით, სს "დარიალი ენერჯი" აცხადებს ტენდერს ყაზბეგის რაიონში, მდინარე თერგზე, დარიალის 108 მგვტ-იანი ჰიდროელექტროსადგურის შესასვლელი გვირაბის და წყალგამშვები გვირაბის გაყვანის და მოპირკეთების შესახებ. შესასვლელი გვირაბის სიგრძეა 340 მეტრი, სიგანე 5,5 მეტრი, სიმაღლე 6 მეტრი. წყალგამშვები გვირაბის სიგრძეა 500 მეტრი, სიმაღლე 5 მეტრი, სიგანე 5 მეტრი.