აჭარის მთავრობის თავმჯდომარე ფინანსთა და ეკონომიკის მინისტრთან ერთად ბათუმის სამრეწველო უბანში მდებარე რამდენიმე საწარმოში იმყოფებოდა. პირველი ობიექტი, რომელსაც ლევან ვარშალომიძე ეწვია "ტრანსკავკასიის კრისტალი" იყო.
კომპანიაში წარმოებული სამშენებლო ბლოკები ორი თვეა ქართულ ბაზარზე იყიდება. კომპანია ახდენს გერმანული, მაგნიტრონული დაფარვის მინის დამუშავებას, რომელიც თერმოიზოლაციის ეფექტს იძლევა. ბათუმში მშენებარე სასტუმრო "კემპინსკი" "კრისტალის" პროდუქციით შეიმინება. "კრისტალში" 80-მდე ადამიანია დასაქმებული.
მთავრობის თავმჯდომარემ დღესვე მოინახულა შპს "სამშენებლო ბლოკების საწარმო". იგი რამდენიმე დღის წინათ ამოქმედა. თურქულ-ქართულ კომპანიას დღეში 30 000 ბლოკის გამოშვება შეუძლია და ამ იტაპზე იქ 20 კაცი მუშაობს.
"ბათუმში მშენებლობის ბუმია და ამიტომ, მსგავსი საწარმოების ფუნქციონირება უაღრესად მნიშვნელოვანია. აქ წარმოებული პროდუქცია არა მარტო აჭარაში, არამედ აღმოსავლეთ საქართველოშიც იყიდება", - განაცხადა ლევან ვარშლომიძემ.
