მნიშვნელოვანი ზრდა აღინიშნებოდა შემდეგ სექტორებში: საფინანსო საქმიანობა (24,9 პროცენტი), დამამუშავებელი მრეწველობა (16,6 პროცენტი), სხვა კომუნალური, სოციალური და პერსონალური მომსახურების გაწევა (11,3 პროცენტი), სასტუმროები და რესტორნები (10,9 პროცენტი), ვაჭრობა (9,2 პროცენტი), შინამეურნეობების მიერ პროდუქციის გადამუშავება (8,5 პროცენტი), კავშირგაბმულობა (8,2 პროცენტი). ზრდა დაფიქსირდა შემდეგ სექტორებში: სოფლის მეურნეობა, ნადირობა და სატყეო მეურნეობა; თევზჭერა, მეთევზეობა (6,1 პროცენტი), მშენებლობა (5,9 პროცენტი), სახელმწიფო მმართველობა (5,8 პროცენტი), სატრანსპორტო მომსახურება (5,2 პროცენტი), ოპერაციები უძრავი ქონებით, იჯარა და მომხმარებლისათვის მომსახურების გაწევა (4,9 პროცენტი), განათლება (3,4 პროცენტი), ელექტროენერგიის, ბუნებრივი აირისა და წყლის წარმოება და განაწილება (1,4 პროცენტი). კლება დაფიქსირდა სამთომომპოვებით მრეწველობაში (6,2 პროცენტი).

აღსანიშნავია, რომ პირველად 2007 წლის შემდეგ სოფლის მეურნეობის, ნადირობისა და სატყეო მეურნეობის, თევზჭერა-მეთევზეობის სფეროში მთლიანი შიდა პროდუქტის რეალურმა ზრდამ გასული წლის შესაბამის პერიოდთან შედარებით 6,1 პროცენტი შეადგინა.

ტურიზმის განვითარებამ და შესაბამისად, ამ სფეროების მომსახურებაზე გაზრდილმა მოთხოვნამ განაპირობა სასტუმროების, რესტორნებისა და სატრანსპორტო მომსახურებაზე მოთხოვნის ზრდა და შესაბამისად, მთლიანი შიდა პროდუქტის მნიშვნელოვანი ზრდა ამ სფეროებში.

სტატისტიკის ეროვნული სამსახურის ინფორმაციით, III კვარტალში მთლიანი შიდა პროდუქტის მაჩვენებელმა მიმდინარე ფასებში 6 203,0 მლნ. ლარი შეადგინა. ამავე პერიოდში, მთლიანი შიდა პროდუქტის რეალური ზრდა წინა წლის შესაბამისი კვარტალის მიმართ 7,5 პროცენტი დაფიქსირდა, ხოლო დეფლატორის _ 7,7 პროცენტი.
2011 წლის სამი კვარტალის მონაცემებით მთლიანი შიდა პროდუქტის რეალური ზრდა წინა წლის შესაბამისი პერიოდის მიმართ 6,2 პროცენტი დაფიქსირდა, ხოლო დეფლატორის - 10,5 პროცენტი.