"საქსტატი" 2011 წლის მთლიანი შიდა პროდუქტი III კვარტალის მონაცემებს აქვეყნებს. სტატისტიკის ეროვნული სამსახურის ინფორმაციით, III კვარტალში მთლიანი შიდა პროდუქტის მაჩვენებელმა მიმდინარე ფასებში 6 203,0 მლნ. ლარი შეადგინა. ამავე პერიოდში, მთლიანი შიდა პროდუქტის რეალური ზრდა წინა წლის შესაბამისი კვარტალის მიმართ 7,5 პროცენტი დაფიქსირდა, ხოლო დეფლატორის _ 7,7 პროცენტი.
როგორც დღეს გამართულ ბრიფინზე "საქსტატის" აღმასრულებელმა დირექტორმა ზაზა ჭელიძემ განაცხადა, III კვარტალის მონაცემებით ეკონომიკის ზრდამ 7,5 %-ი შეადგინა, რაც იმას ნიშნავს, რომ საქართველოს ეკონომიკა გასული წლის მესამე კვარტალთან შედარებით 7,5 %-ითაა გაზრდილი. 2011 წლის სამი კვარტალის მონაცემებით მთლიანი შიდა პროდუქტის რეალური ზრდა წინა წლის შესაბამისი პერიოდის მიმართ 6,2 პროცენტი დაფიქსირდა, ხოლო დეფლატორის - 10,5 პროცენტი"- აღნიშნა ზაზა ჭელიძემ.