ნატო-ს გენერალური მდივნის, ანდერს ფოგ რასმუსენის განცხადებით, ნატო-ს წევრი ქვეყნების პოზიცია არის ნათელი, რომ საქართველო გახდება ჩრდილოატლანტიკური ორგანიზაციის წევრი.
"ნატო-ს წევრი ქვეყნების პოზიცია არის ნათელი. ეს ყველაფერი უკვე იყო გაცხადებული ბუქარესტის 2008 წლის სამიტზე. ჩვენ სამი წლის წინ გადავწყვიტეთ, რომ საქართველო გახდება ნატო-ს წევრი. გარდა ამისა, ჩვენ შევქმენით სპეციალური კომისია - ნატო-საქართველოს კომისია, რომელიც არის ბრწყინვალე ჩარჩო პოლიტიკური კონსულტაციებისთვის და პრაქტიკული თანამშრომლობისთვის. ჩვენი დღევანდელი ვიზიტი საქართველოში არის ბრწყინვალე მაგალითი იმ მაღალი დონის პოლიტიკური კონსულტაციებისა, რომელიც ნატო-საქართველოს კომისიის ფარგლებში იმართება", - განაცხადა რასმუსენმა და აღნიშნა, რომ ყოველწლიურად საქართველო წარმოადგენს ეროვნულ პროგრამას, რომელიც ნატო-ს საბჭოს მიერ არის შეფასებული.
მისი თქმით, ეს პროგრამა ქმნის საფუძველს რეფორმირებისთვის საქართველოში.
"ჩვენი გზა გახსნილია. ბუქარესტის გადაწყვეტილება კვლავ ძალაშია და საქართველო გახდენა ნატოს წევრი", - განაცხადა რასმუსენმა.
