პრემიერ-მინისტრი ნიკოლოზ გილაური სასტუმრო "ქორთიარდ მარიოტში" გამართულ ამერიკა-საქართველოს ბიზნესსაბჭოს მე-14 კონფერენციას დაესწრო.
"აქ არიან წარმოდგენილი კომპანიები, რომელბსაც ჰყავთ ამერიკელი პარტნიორები და აქვთ გარკვეული ვაჭრობა ამერიკასთან, ან ამერიკული ინვესტიცია არის ჩადებული საქართველოში. ესენი არიან კომპანიები, რომლებსაც ინტერესი აქვთ საქართველოს ეკონომიკისადმი. განსაკუთრებით დღევანდელ სიტუაციაში, როცა მსოფლიო ეკონომიკა ძალიან ცუდ მდგომაროებაშია, ბევრმა ქვეყანამ შეამცირა ზრდის მაჩვენებლები, საქართველო ინარჩუნებს სტაბილურ მაკროპარამეტრებს, აგრძელებს ეკონომიკის ზრდას და ამით კიდევ უფრო იზიდავს საერთაშორისო ინვესტიციებს", - განაცხადა გილაურმა.
კონფერენციაზე განიხილეს ენერგეტიკის, ინფრასტრუქტურის, სასოფლო-სამეურნეო, ტურიზმისა და ღვინის სექტორში საქარველოს კონკურენტუნარიანობის საკითხები. როგორც პრემიერ-მინისტრმა აღნიშნა, შეხვედრას ის კომპანიები ესწრებოდნენ, რომლებსაც ამერიკასთან აქვთ კავშირი და საქართველოში ინვესტიციები აქვთ დაბანდებული.